مردمی بیر منبع، سابق حکومت‌ده اوشبو ولایت کینگش اورین‌باسری شمس‌الحق شیخانی نی قولگه آلینگنیدن خبر بیرگن.
منبع کیم‌لیگی سِر قالیش نی ایسته‌ب سلام‌وطندار گه ایتیشیچه، جناب شیخانی و یاش اوغلی، قریب ۲۰ کون آلدین کابل شهری نینگ ۹-حوزه اطرافیده کیچه تامان اسلامی امارت کوچلری تامانیدن قولگه آلینگن.
بیزلرنینگ فیسبوک صحیفه‌میزگه باش اورینگ!
منبع گه کوره، اسلامی امارت کوچلری جناب شیخانی بیلن اوغلی نی نابیللی بیر ییر گه انتقال بیرگنلر و شونینگدیک شیخانی نینگ عایله‌سی اولر نینگ وضعیت‌لری و موقعیت‌لریدن هیچ بیر معلومات‌لری یوق.
بیراق پروان امنیه قوماندانیلیگی سوزلاوچیسی محمد‌کامران حبیبی جناب شیخانی نینگ قولگه آلینیش ادعاسی نی رد قیلیب و ایتگن که، او پروان خوفسیزلیک کوچلری تامانیدن قولگه آلینمه‌گن.
بیزلرنینگ توییترده هم تعقیب قیلینگ!
جناب شیخانی پروان ولایتی کینگشی‌ده عضو بولگنی گه علاوه، اوشبو ولایت‌ده اجمل رحمانی خیریه بنیادی مسئولی ایکن.
ایتیلیشچه، شیخانی افغانستان سابق دولتی‌ده پارلمان سونگی رئیسی میررحمان رحمانی نینگ یقین اقارب‌لریدن دیر.
