پکتیکا محلی مسئوللری نینگ ایتیشلریچه، اوشبو ولایت نینگ گیان، برمل و نکه تومن‌لریده زلزله قربانی‌لری سانی آشگن.
پکتیکا معلومات و مدنیت باشلیغی محمدامین حذیفه نینگ سلام‌وطندار گه ایتیشیچه، اوشبو تومن‌لرده زلزله طفیلی هلاک بولگن‌لر سانی ۱۰۰۰ کیشی و یره‌لنگنلر سانی ۱۵۰۰ کیشی گه ییتگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، صحی تیم‌لر و مدافعه وزیرلیگی نینگ تیک اوچرلری حادثه محلی گه ییتیب باریب یاردم بیرماقده‌لر. پکتیکا معلومات و مدنیت باشلیغی گه کوره، تومن‌لرده دارو_دوالنمه‌یدیگن یره‌دارلر کابل و ارگون و شرنه تومن‌لری کسلخانه‌لری گه یوباریله‌دی.
آلدینراق باختر دولت آژانسی پکتیا محلی مسئوللری دن نقل قیلیب، مذکور ولایت نینگ برمل، زیروک، نکه و گیان تومن‌لریده کوچلی زلزله باعث ۲۵۵ کیشی جان بیریب و باشقه ۵۰۰ دن آرتیق کیشی یره‌لنگنیدن خبر بیرگن ایدی.
بوگون بامداد چاغی (چهارشنبه، ۱ سرطان)، پکتیکا، خوست و ننگرهار ده کوچلی زلزله یوز بیردی.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی نینگ معینی شرف‌الدین مسلم، بوگون توش‌دن کیین مطبوعاتی ییغینده اشتراک ایتیب پکتیکا، خوست و ننگرهار ولایت‌لریده زلزله باعث ۹۲۰ کیشی هلاک بولیب و ۶۱۰ کیشی یره‌لنگنیدن خبر بیردی.
اسلامی امارت باش وزیری محمدحسن آخوند، کابینه نینگ فوق‌العاده ییغینیده، پکتیکا و خوست ولایت‌لریده زلزله قربانی‌لری و زیان کورگن عایله‌لر گه ۱ میلیارد افغانی یاردم بیریلیشینی منظور قیلگن.
