اوزبیکستان دولت رهبری شوکت میرضیایف، اوشبو ییل ۸ می ده عالی کینگش نماینده‌لری، سیاسی حزب‌لر ییتکچیلری، قضا و اجرائیه رسمی‌لری و عمومی فعاللر بیلن ریفراندوم نتیجه‌سی حقیده بحث ایتگن. اوزبیکستان جمهور باشلیغی، اوز بیاناتیده ینگی اساسی قانون قنده‌ی‌لیگی، و اوشبو قانون گه کیریتیلگن اوزگریش‌لر و قوشیمچه‌لر حقیده آچیق معلومات بیرگن.
مذکور ییغیلیش ده شوکت میرضیایف، ینگی اساسی قانون نینگ ۱۲۸ ماده‌سی گه بناً، اونگه بیریلگن صلاحیت دن فایده‌لنیب اوزبیکستان جمهورلیک ریاستی سیلاوی تیزلیک بیلن اوتکزیلیش فرمانینی امضا قیلگن.
اوشبو فرمان گه بناً، اساسی قانون نینگ ۱۱۰ و ۱۲۸_ماده‌لری و اوزبیکستان سیلاو قانونی ۶۶_ماده‌سی اساسیده، اوزبیکستان جمهورلیک ریاستی سیلاوی بولیب اوتیش تاریخی ۲۰۲۳_ییل ۹ جولای ده تعینلنگن.
بیزلرنینگ فیسبوک صحیفه‌میزگه باش اورینگ!
دولت رهبری، بونده‌ی قرارنی قبول قیلیش ضرورتی و اوز اراده‌سی بیلن جمهورلیک ریاستی قالگن اوچ یریم ییلیدن واز کیچیشینی ایتگن. عین‌حالده، مذکور ییغیلیش ده اوزبیکستان جمهور باشلیغی قوییده‌گی مهم موضوع‌لر گه اشاره قیلگن:
-اساسی قانون گه بناً، برچه وکالت‌لر اصلاح قیلینماقده، اولر آره‌سیده‌گی مناسبت و موازنت جدی طرزده اوزگره‌دی.
-ینگی اساسی قانونی‌میز جمهور باشلیغ، پارلمان، دولت، وزیرلر و حاکم‌لر اوچون ینگی سیاسی، اجتماعی و اقتصادی وظیفه‌لرنی بیلگی‌لب بیره‌دی.
شونینگدیک، اوزبیکستان فقرالری اوز رهبرلری دن برچه ساحه‌لرده اوزگریش و اصلاحات کیریتیشنی کوتماقده‌لر.
شو بیلن بیرگه، حاضرگی شرایط ده جهان و منطقه بویلب قتیق و مرکب جریان‌لر حاکم دیر، رواجلنیش تامان حرکت دالضرب موضوع گه ایلنگن.
شونینگدیک، جمهورلیک ریاستی سیلاوی اوتکزیلیشی اوچون لازم تیارگرلیک‌لر کوریلیش جریانی باشلنگن. سیلاو نی اوتکزیش مرکزی کمیسیون نینگ قراری اساسیده، جمهورلیک ریاستی سیلاوی کمپاینی اوشبو ییل ۱۰ می دن باشلنگن.
بیزلرنینگ توییترده هم تعقیب قیلینگ!
اوزبیکستان ده برچه سیاسی حزب‌لر، جمهورلیک ریاستی سیلاوی اوچون اوز نامزدلرینی تانیشتیرگنلر:
الف: یشش محیط حزبی دن – حرمتلی عبدالشکور خدای‌قول اوویچ حمزه‌یف
ب: خلق دموکراتیک حزبی دن – حرمتلی اولوغ بیک ایلیاس اوویچ عنایت‌اوف
د: سوسیال دموکرات «عدالت» حزبی دن – محترمه رابعه خان انورنه محمود وه
ج: اوزبیکستان دموکراتیک لیبرال حزبی دن – دولت حاضرگی رهبری حرمتلی شوکت میرامانوویچ میرضیایف
سیلاونی اوتکزیش مرکزی کمیسیون، سیلاو برنامه‌لری و اوتکزیلیش تاریخینی تصویب قیلگن.
اوشبو تقویم اساسیده، سیلاو کمپاین‌لری جریانی شفاف و سیلاو قانون_قاعده‌لرینی رعایت ایتیش بیلن، ضرور امکانیت‌لرنی تأمینله‌یدی.
