اوزبیکستان افغانستان ده‌گی موجود وضعیت گه دایر خلق‌ارا ییغین اوتکزیلیشیدن خبر بیرگن.داوزبیکستان تشقی ایشلر وزیرلیگی بیر بیانه ترقه‌تیب ایتیشیچه، اوشبو ییغین میلادی ییل نینگ ۲۵ و ۲۶ جولای آیی ده یولگه قوییلیب و بو ییغینده ۲۰ مملکت و خلق‌ارا تشکیلات‌لر نینگ نماینده‌لری اشتراک ایتیشی ممکن.
مذکور خلق‌ارا ییغینده اسلامی امارت رسمی‌لری هم چقیریلگن، اوزبیکستان تشقی ایشلر وزیرلیگی گه کوره، اوشبو ییغینده اسلامی امارت سرپرست حکومت نماینده‌لیگیدن بیر هیأت اشتراک ایته‌دی، لیکن اولر نینگ حضوری اسلامی امارت نی تن آلیش معناسیده ایمس.
عین‌حالده اسلامی امارت رسمی‌لری نینگ ایتیشلریچه، مذکور ییغینده تشقی ایشلر وزیرلیگی و سکتوری وزارتخانه‌لر ییتکچیلیگیده بیر هیأت اشتراک ایته‌دی.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نینگ اورین باسری بلال کریمی نینگ سلام‌وطندار گه ایتیشیچه: «بولیب اوته‌دیگن برچه ییغین‌لر نتیجه بیریب و افغانستان خلقی نینگ نیازمندلیکلری گه جوابگر بولیشی کیره‌ک، بو ییغین عین‌حالده اوتکزیلماقده که، بیز آدم‌لر نینگ خواهش_اراده‌سی نظرگه توتیلیب و اسلامی امارت بیلن همکارلیک بولیشینی ایسته‌یمیز.»
باشقه تاماندن سیاسی ایش بیلرمان‌لردن قطاری نینگ ایشانچی گه کوره، منطقه مملکت‌لری اینیقسه اوزبیکستان افغانستان ده‌گی موجود وضعیت و بحران دن خواطر ده، مذکور مملکت افغانستان ده‌گی قیینچیلیکلر حلی اوچون اوشبو ییغین اوتکزیلیشینی ایسته‌یدی.
سیاسی ایش بیلرمان محمود اضطرابی گه کوره، اوزبیکستان افغانستان بیلن چیگره حدودلری امنیتی دن تشویش ده دیر، بو مملکت چیگره ده‌گی خوفسیزلیک تهلیکه‌لرنی اسلامی امارت رسمی‌لری بیلن پایله‌شیش مقصدیده سعی و حرکت قیلماقده.
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری مهدی افضلی گه کوره: «کوچلی قدرت یوق‌لیگی و خوفسیزلیک توزوم‌لر نینگ یوق قیلینیشی قدرت کوچ‌سیزلیگی و افغانستان ده ترورچی گروه‌لر نینگ فعال بولیشی گه سبب بولگن و بو ایسه منطقه مملکت‌لرنی تاثیرلنتیره‌دی. منطقه مملکت‌لر اوز خوفسیزلیکلری اوچون بونده‌ی ییغین‌لرنی اوتکزیشماقده.»
اوزبیکستان خلق‌ارا ییغینی عین‌حالده اوتکزیلماقده که، نیچه کون مقدم افغانستان تامانیدن بیش راکت اوزبیکستان تامان آتیلدی. اسلامی امارت سرپرست حکومتی افغانستان دن اوزبیکستان تامان راکت آتیلیشینی تصدیقلب و بو ایشنی عصیانچی‌لر ایشی عنوان قیلدی.