هر ییلی ۲۴ جوزا دن، افغانستان بویلب آنه‌لر کونی اوله‌راق نشانلنه‌دی، بیراق بو ییل مملکت خاتین قیزلری و آنه‌لری اوتمیش ییل‌لر گه نسبتن تورلی خیل قیینچیلیکلر گه دوچ ایکن، آنه‌لر ایامی دن نشانلنماقده.
۷ فرزند آنه‌سی مرضیه نینگ سلام‌وطندار گه ایتیشیچه، فرزندلری گه تعلیم شرایطینی یره‌تیش مقصدیده، تخمیناً بیر سنه دن بویان اوی دن تشقری ایریم قیینچیلیکلر بیلن ایشلماقده.
بیزلرنینگ فیسبوک صحیفه‌میزگه باش اورینگ!
اونگه کوره، اوچ قیزی نینگ عالی تحصیلاتی بار و قالگن قیزلری ایسه عالی سویه ده تحصیل قیلماقده‌لر، او افغانستان نینگ حاضرگی وضعیتی گه بناً قیزلری نینگ کیله‌جک تحصیل‌لریدن خواطرده لیگینی بیلدیره‌دی.
خانم مرضیه نینگ ایتیشیچه: «بیزنی یاشلیگیمیزده تحصیل قیلیش اوچون شرایط یخشی ایمس ایدی، سوادسیز قالگنیمدن جدا هم پشینمان من، حاضر قیزلر نینگ مکتب‌لری یاپیق قالیشی دن تشویش ده من و باشقه قیزلر بیز کبی سواد سیز قالیشینی ایستمه‌یمن.»
باشقه آنه‌لردن بولمیش فروزان خلیل‌یار افغانستان نینگ حاضرگی شرایطی دن خواطر ده. عیال حقوقی فعالی بولمیش خانم خلیل‌یار نینگ ایتیشیچه، جامعه دن عیاللر نینگ حذف ایتیلیشی، مملکت قیزلری نینگ کیله‌جگی اوستیگه سلبی تاثیر قیله‌دی.
خانم خلیل‌یار گه کوره، افغانستان خاتین قیزلری و آنه‌لری مملکت ده‌گی برچه اوزگریش‌لر اصلی قربانی‌لری دیر، اولر کونیدن هردایم طنطنه‌لی روشده نشانله‌نیشی کیره‌ک.
بیزلرنینگ توییترده هم تعقیب قیلینگ!
دنیا بویلب اولکه‌لرده مناسبتی کون‌لر اینیقسه آنه‌لر ایامی، شانلی بیر شکلده نشانلنه‌دی.
افغانستان ده ۲۴ جوزا دن، هر ییلی آنه‌لر کونی اوله‌راق نشانلنه‌دی، بیراق مملکت نینگ ایریم منطقه‌لریده اوشبو کوندن نشانلنیش فرهنگی حاضرگه قدر نهادینه بولمه‌گن.
