اولکه یشاوچیلری و صراف‌لر، کابل شهری ده ایسکیرگن پول‌لر کوپه‌یشیدن تنقید قیلیب و اولرنی ایریم قیینچیلیکلر بیلن روپه‌ره قیلگنینی ایته‌دیلر. شو بیلن بیرگه مرکزی بانک بیر بیانه ترقه‌تیب، ایسکریب و چلیش دن قالگن پول‌لرنی اهالی بیلن شریک قیلدی.
کابل شهری ده ایسکیرگن پول‌لر کوپه‌یشی، پایتخت لیکلر نینگ ایریم قیینچیلیکلر بیلن روپه‌ره قیلگن. گرچند بوندن آلدین مرکزی بانک ایسکریب و چلیش دن قالگن پول‌لرنی شریک قیلگن ایدی، بیراق سونگی کون‌لرده بانک‌لر حد دن آشه ایسکیرگن پول‌لرنی اهالی گه توزیع قیلماقده.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بولمیش سنبل نصر، بانک دن آلگن ایسکیرگن پول‌لر نینگ وضعیتیدن شکایت قیلیب ایتیشیچه: «معاش آلگنی بانک گه باردیم، ایسکیرگن پول‌لرنی مینگه بیردی، بعضی پول‌لر نینگ بیر قسمی اصلا یوق ایدی و بعضی‌لری ده رنگ توکیلگن ایدی، بو پول‌لرنی آلمسلیگیمنی ایتدیم اما اولر، نیچه کوندن کیین بوندن کوره ایسکیرگن پول بازار گه کیریتیلیشینی ایتدیلر.»
برچه‌سی بیلن، کابل یشاوچیلریدن محمد انور و عجب‌گل، بازارلرده ایسکیرگن افغانی پول‌لر کوپه‌یشیدن تنقید قیلیب ایتیشلریچه، بو وضعیت اهالی نی جدی قیینچیلیککه دوچ قیلگن.
کابل یشاوچیلریدن باشقه بیری محمد انور نینگ ایتیشیچه: «بانک‌لر و صراف‌لیکلرده اهالی گه ایسکیرگن پول توزیع قیلینه‌دی و شونینگدیک دولت خادم‌لری معاش‌لرینی آلیش اوچون بانک گه بارگنده، ایسکیرگن پولنی توزیع قیله‌دیلر، بو وضعیت مردم نینگ خواطری گه سبب بولگن.»
کابل شهری یشاوچیلریدن یینه بیری عجب‌گل گه کوره: «ایشلاوچیلر آی‌لیکلرینی آلیش مقصدیده بانک گه بارگنده، ایسکیرگن پول‌لرنی توزیع قیله‌دیلر، بو پول‌لر نه دوکاندار آله‌دی و نه هم هیداوچی، حکومت دن بوتوغریده دقت قیلیشینی طلب قیله‌من.»
باشقه تاماندن، سلام‌وطندار بیلن صحبت اوتکزگن کابل شهری ده‌گی دوکاندارلردن بیری بلال محمدی نینگ ایتیشیچه، سونگی کون‌لرده ایسکیرگن افغانی پول‌لر کوپه‌یگن. اونگه کوره، بو وضعیت سودا ساتیغی اوستیگه سلبی تاثیر قیلگن.
بیزلرنینگ توییترده هم تعقیب قیلینگ!
اونینگ ایتیشیچه: «ایسکیرگن پول‌لر حد دن آشه کوپه‌یگن، اوشبو کونلر آدم‌لر سودا اوچون ایسکیرگن پول آلیب کیلیشه‌دی پول‌لرنی آلمه‌گنده سودا قیله آلمه‌یمیز، اولردن پولنی آلسک، مندوی ده بیز دن بو پول‌لرنی آلیشمه‌یدی قیینچیلیک بیلن روپه‌ره میز.»
کابل شهری ده ایسکیرگن بانکنوت‌لر کوپه‌یشیدن عین‌حالده تنقید بولماقده که، اولکه گه افغانی پول انتقالی و چاپ بولیشی خصوصیده قیینچیلیک بارلیگی ایتیلگن. شو بیلن بیرگه، بو موضوع گه دایر مرکزی بانک مسئوللری نینگ فکر_ملاحظه‌سینی اورگه‌نیشنی ایسته‌دیک لیکن اولر کیتمه_کیت قونغراق‌لریمیز گه جواب قیتیرمه‌دیلر.
