کنر ولایتی نینگ یشاوچی‌لریدن بیری قیاس قاضی‌خیل، نیچه پیت آلدین یخشی بیر حیات گه ایریشیش اوچون، ناقانونی یوللر آرقه‌لی اروپا گه کیتیش گه قرار آلدی، بیراق تقدیری پولیس و قماقخانه گه یکونلنیشی دن خبرسیز ایدی.
قاضی‌خیل نینگ ایتیشیچه، قاچاقچیلر ۱۰ کیشی نی بیر تکسی گه جایلشتیرگن ایدی، ییر نی کیچیک‌لیگی باعث او ییرده نفس تارتماق هم قیین ایدی. او، ترکیه چیگره‌سیده موترلری پولیس آرقه‌لی توخته‌تیلیب و پولیس آرقه‌لی قیناققه سالینگن‌لریگه اشاره قیله‌دی.
ناقانونی یوللر آرقه‌لی مهاجرلیک یالغیز حیات بیلن اوینه‌ش ایمس؛ بلکیم بونده‌ی سفرلرنینگ تجربه‌لری مهاجرلرنینگ حیاتی و ایش‌لری اوستیگه هم سلبی تأثیر قویه‌دی. قیاس قاضی‌خیل حاضر اویده قیتگن، بیراق حاضر هم ترکیه پولیس نینگ کلتگی و باشقه قیینچیلیک‌لرنینگ نشانه‌لری بدنی ده قالگن و اونینگ روانی گه سلبی تأثیر قویگن.
بیزلرنینگ فیسبوک صحیفه‌میزگه هم باش اورینگ!
قیاس قاضی‌خیل نینگ کوپه‌یتیریشیچه: «چوب، بیل، قنداق و قورال بیلن بیزلرنی اوره‌دی ایدیلر، هیچ رحم‌لری یوق ایدی. باشیم گه اوردیلر، باشیم یاریلدی و قانیم آقدی، کلاه‌م نی کیدیم بیراق قانیم توختمه‌دی. آدم‌لرنینگ باش، قول و اَیاق‌لرینی سیندیره‌دی ایدیلر. عصبی باسیم گه چلینگن من، یاتگن بیر چاغیم ده اویقو ده فریاد قیله‌من. آنم مینی یالغیز قویمه‌یدی و اوز اتاقی ده میندن مراقبت قیله‌دی.»
میلادی ۲۰۱۹- ییل دن بویان کرونا ویروسی دنیا بویلب کینگه‌یگن و شو یوزه‌دن مملکت‌لردن کوپینچه‌سی چیگره‌لرینی باغله‌گن، بیراق شونده‌ی بیرحالده هم قانونی حجتی بولمه‌گن افغانستان یشاوچی‌لریدن قطاری اروپا یا باشقه مملکتلر تامان یول آلیشه‌دی. بو یوللرده سفر قیلیش مهاجرلرنی اولیم گه دوچ قیلیش گه علاوه، کرونا گه چلینیش خوفی هم بار.
قیاس نینگ ایتیشیچه، قاچاقچیلر اروپا یولی نینگ مسیری ده کرونا ویروسی نینگ آلدینی آلیش اوچون هیچ قنده‌ی امکانیتی یوق. او مملکت نینگ باشقه یشاوچی‌لری اینیقسه ییگیت‌لردن قانونی حجت بولمه‌سدن مهاجرلیککه یوز کیلتیرمه‌سلیک‌لرینی سوره‌گن.
قاضی خیل نینگ ایتیشیچه: «اوز کوزیم بیلن کوردیم یوز گه یوز خوف و خطر بار. مین تشقی اولکه‌لرگه کیته‌دیگن کیشیلرگه اَیته من که، افغانستان ده کونده‌لیک درآمدلری بولگن صورتده، چیت‌ایللیک مملکت‌لرگه کیتمه‌یش‌لری کیره‌ک. چونکه اولکه دن تشقی کیتیش بیلن عایله‌لریدن اوزاق‌لشیب و کوپ قیینچیلیک‌لرینی کوره‌دیلر. سینینگ باش، اَیاق و قولینگ نی سینیشی مذکور مملکت‌لرنینگ پولیسی اوچون هیچ اونملی ایمس.»
قیاس نینگ عایله‌سی ناقانونی یوللر آرقه‌لی اونینگ اروپا گه کیتیشی گه موافق بولمه‌گن بیرحالده، حاضر هم اونینگ عایله‌سی قیاس نی روانی قیینچیلیک‌لری اوچون خواطرگه دیر.
- کم‌بغل‌لیک و ایش‌سیزلیک یاش‌لرنینگ مهاجر بولیشی‌گه سبب بوله‌دی
- کرونا افغانستانلیک مهاجرلرنینگ قیینچیلیک‌لرینی ایکی برابر قیلگن
- کرونا اروپا ده افغانستانلیک مهاجرلرنینگ ایش‌لریگه سلبی تأثیر قویگن
- مهاجرلر: تینچلیک تأمین‌لنگن صورتده، مملکت گه قیته‌میز
قیاس قاضی‌خیل نینگ عایله اعضالریدن بیری نینگ ایتیشیچه: «بیزلر کوپ رنج کوردیک، او کوپ کلتکلنگن. بو سفر گه کیتمه دیب کوپ اَیتدیک؛ بیراق قبول قیلمه‌دی. حاضر هم وضعیتی یخشی ایمس.»
شونده‌ی بیرحالده، کنر نینگ مهاجرلر ریاستی باشلیغی عبدالرشید صافی نینگ ایتیشیچه، کرونا ویروسی دنیا بویلب کینگه‌یگن بیرحالده هم، افغانستانلیک مهاجرلر تورلی مملکتلر اینیقسه پاکستان، ایران و ترکیه دن افغانستان قیته‌دیلر.
کنر مهاجرلر ریاست باشلیغی گه کوره، بیر ییل دن بویان ایران و پاکستان دن کنر گه قیتگن یوزلرچه عایله گه علاوه، شونینگدیک مذکور ولایت نینگ ۴۰۰ ییگیتی ترکیه دن رد و مرز بولیب و اویلریگه قیتگن. «کمیده ۴۰۰ ییگیتی‌میز ترکیه دن ردومرز بولگن. اولر هواقونالغه‌لرده رویخط گه آلینگن و بیزلر اولرنی قیته‌دن رویخط گه آلگن‌میز و اولرنینگ آت‌لرینی جلسه‌لرگه ارایه قیلگن‌میز. بیراق حاضرگچه اولرگه یاردم بیره‌دیگن هیچ کیم تاپیلمه‌گن. بیزلر رویخط گه آلگن آدم‌لریمیز گه یاردم بیریلگن.»
بیزلرنینگ توییتر ده هم تعقیب قیلینگ!
اوتگن ۲۰ ییل ده مملکت یشاوچی‌لریدن کوپینچه‌سی قیته‌دن افغانستان گه کیلگن بیرحالده، سونگی بیش ییل ده وضعیت یمان‌لیگی و ایش یوقلیگی باعث ییگیتلر و عایله‌لردن قطاری یخشی بیر حیات گه ایریشیش اوچون مملکت نی ترک قیلگنلر.
تینچلیک نینگ تقدیری بیللی بولمه‌گنی، چیت‌ایللیک کوچلرنینگ افغانستان دن چیقیشی، امنیتی وضعیت یمان بولگنی و قشاق‌لیک و ایش‌سیزلیک اهالی نینگ مملکت نی ترک قیلیش گه زورلنتیرگن عامل‌لردن دیر. شونده‌ی بیرحالده یشاوچیلر اینیقسه ییگیتلر، مملکت‌لریده ایش زمینه‌سی فراهم ایتیلگن صورتده، مملکت نی ترک قیلمه‌یمیز دیگنلر.