اوتگن کیچه بیرلشگن ملت‌لر تشکیلاتی نینگ خوفسیزلیک کینگشی اوشبو تشکیلات‌ده ناروی نینگ دایمی نماینده‌لیگی ایسته‌گی اساسیده، افغانستان ده قیزلر و عیال‌لر ایرکین‌لیگی و انسانی حقوق برابریده چیکلاولر کوپه‌یگنی حقیده بیر ییغین یولگه قویگن.
گرچند حاضرگچه اوشبو ییغین نتیجه‌سی بیللی بولمه‌گن، لیکن بیرلشگن ملت‌لر تشکیلاتیده ناروی نینگ دایمی نماینده‌سی بیر اعلامیه ترقه‌تیب ایتگن که، افغانستانده قیزلر و عیال‌لر نینگ بشری حقوقی برابریده‌گی یره‌تیلگن چیکلاولر خصوصیده کوپ اندیشه‌لی دیر و بو ایش «کینگش آجندا‌لری گه تیگیشلی موضوع‌لر و تینچلیک اوچون ضررلی دیر.»
بیزلرنینگ توییترده هم تعقیب قیلینگ!
اعلامیهده کیلگن که، اسلامی امارت سیاست‌لری مملکت اقتصادی قیین‌چیلیگی نی حل قیلیش اورنیده، عیال‌لر وقیزلر گه ظلم قیلیش اوچون دیر و اسلامی امارت نینگ قدرت گه ایریشگنیدن بویان، عیال‌لر برابریده کوپینچه چیکلاو یره‌تیلیب و عیال‌لر عمومی حیات‌لریدن چیت گه سوریلگنلر.
اعلامیهده تاکید بولگن که، ناروی اسلامی امارت نماینده‌لری بیلن مستقیم شکلده ارتباط قوریشی گه دوام بیریب و خوفسیزلیک کینگش اعضالری بیلن افغانستان عیاللری حقوقی گه حرمت قایل بولیش اوچون قوشمه بیر پیغام یوباریش خصوصیده سعی و حرکت قیلشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، دنیا نینگ ۷ بویوک اقتصادی تشقی ایشلر وزیرلری (جی۷) بیر اعلامیه ترقه‌تیب اسلامی امارت تامانیدن افغانستان قیزلری و عیاللری برابریده یره‌تیلگن چیکلاولر گه جدی قرشی‌لیگی نی بیلدیرگن.
شونینگدیک آمریکا، کانادا، فرانسه، آلمان، ایتالیا، جاپان، بریتانیا ایالت‌لری نینگ تشقی ایشلر وزیرلری و شونینگدیک اروپا بیرلشمه‌سی نینگ خاص نماینده‌سی اعلامیهده تاکید قیلگنلر که، مذکور اقدام‌لر بیلن، «اسلامی امارت اوزی نی دنیا جماعه‌سیدن اوزاق‌لشتیرده‌دی.»
