نیچه ییل آلدین کابل ولایتی پغمان تومنیده یوز بیرگن پارتلش عاقبتیده ایکی ایاغینی قولدن بیرگن اوشبو تومن یشاوچیسی عبدالله گه کوره، ایکی ییل دن بیری حقوقی توللنمسلیگی باعث ایریم قیینچیلیک‌لر بیلن روپه‌ره بولگن.
او نینگ ایتیشیچه: «اوی ده ۱۲ کیشی‌میز، اقتصادی قیینچیلیک بیلن روپه‌ره‌میز، آخشم ایسک ایرتن گه ییر نان یوق، هیچ کیم یاردم بیرگنی یوق، قیینچیلیک بیلن حیات کیچیرماقده‌میز.»
بیزلرنینگ فیسبوک صحیفه‌میزگه باش اورینگ!
۳۰ ییل آلدین اوروش طفیلی اونگ ایاغینی قولدن بیرگن کابل یشاوچیلریدن باشقه بیری روح‌الله نینگ ایتیشیچه، بایومتریک بولسه ده؛ لیکن حاضرگچه حقوقی توللنگن یوق.
او نینگ کوپه‌یتیریشیچه: «۱۲ کیشی‌لیک عایله سرپرستی من، ایکی-اوچ مرته مراجعت قیلدیم لیکن نتیجه بیرمه‌دی، اقتصادی قیینچیلیک بیلن روپه‌ره‌میز، ایش قیلیش توانیمیز یوق.»
باشقه تاماندن، پارتلش باعث قربان بولگن‌لر نینگ عایله اعضالریدن بیرقطاری گه کوره، حکومت تامانیدن حقوق‌لری توللنمسلیگی باعث قیینچیلیک بیلن حیات کیچیریشماقده.
۱۳ ییل آلدین عسکر ایرینی قولدن بیرگن و تورت باله آنه‌سی وحیده نینگ ایتیشیچه، اوچ ییل دن بیری حقوقی توللنمه‌گن.
اونگه کوره: «اوزیم ایشلر ایدیم حاضر ایش‌سیز بولگن من، اوچ ییل دن بیری حقوقیم توللنگن یوق، معاش بیریشه‌دی‌می یوق حاضرگچه بیللی ایمس.»
بیزلرنینگ توییترده هم تعقیب قیلینگ!
شو بیلن بیرگه، شهیدلر و ناگرانلر سوزلاوچیسی فیصل خموش نینگ ایتیشیچه، برچه ولایت‌لرده شهیدلر عایله اعضالری و ناگرانلر نینگ ۱۴۰۲-ییل معاش‌لرینی توزیع قیلیش جریانی باشلنگن؛ لیکن بو جریان وقت آلیشی ممکن.
اونگه کوره: «هر کونی شهیدلر عایله اعضالری و ناگرانلر نینگ معاشی توللنماقده، بیراق برچه‌سی نینگ معاشینی بیردن توللش قیین دیر، هر بیری نینگ معاشی نوبت بیلن توللـه‌نیله‌دی، بودجه‌میز گه قره‌ب برچه‌سی نینگ معاشی توللـه‌نیشی اوچون سعی‌وحرکت قیله‌میز.»
شهیدلر و ناگرانلر وزیرلیگی نینگ معلوماتی اساسیده، افغانستان بویلب ۱۹۶ مینگ ناگران اوشبو وزیرلیک ده ثبت دیر.
