ناگران‌لر و شهیدلر وزیرلیگی مسئوللری، بوگون (چهارشنبه کونی، ۲۴ جوزا)، کابل ده مطبوعاتی ییغیلیش ده ایتیشلریچه، مملکت بویلب ناگران‌لر و شهیدلر عایله اعضالری نینگ بایومتریک قیلیش جریانی باشلنگن، بایومتریک بولمه‌گن‌لر مرکز و ولایت‌لرده ثبت نام قیلیش‌لری ممکن.
مذکور وزیرلیک معینی عبدالحکیم حقانی نینگ ایتیشیچه، بایومتریک بولمه‌گن ناگران‌لر و شهیدلر عایله اعضالری کیم‌لیک‌لرینی انیقله‌یدیگن عریضه و اوز ولایت‌لری مقامی دن حکم آلیش دن کیین، عریضه‌لرینی تیکشیریش اوچون ناگران‌لر و شهیدلر ریاست‌لری گه تاپشیریش‌لری کیره‌ک.
بیزلرنینگ فیسبوک صحیفه‌میزگه باش اورینگ!
اونگه کوره: «اوشبو عریضه‌لر تیکشیریش تیمی گه تاپشیریله‌دی و تیکشیریش تیمی ناگران‌لر و شهیدلر عایله اعضالری نینگ اوی گه باریب اولر مستحق یا ده ایمسلیگینی کوره‌دیلر، مستحق بولسه‌لر فورمه بیریلیب و اسنادلرینی قانونی لشتیره‌دیلر عکس حالده رد بوله‌دی.»
عین‌حالده، ناگران‌لر و شهیدلر وزیرلیگی مسئوللری گه کوره، جمهوریت زمانیده‌گی شهیدلر و ناگران‌لر عایله اعضالری اجره‌تیلمسدن، اولر نینگ حقوقینی توله‌یدیلر.
ناگران‌لر و شهیدلر وزیرلیگی نینگ مالی و اداری عمومی باشلیغی کلیم‌الله افغان نینگ ایتیشیچه، قویاش اوشبو ییل ده ۱۲ میلیارد افغانی مذکور وزیرلیککه اختصاص بیریلگن و تیزلیک ده ناگران‌لر و شهیدلر عایله اعضالری نینگ حقوقی توله‌نیله‌دی.
بیزلرنینگ توییترده هم تعقیب قیلینگ!
ناگران‌لر و شهیدلر وزیرلیگی نینگ مالی و اداری عمومی باشلیغی نینگ کوپه‌یتیریشیچه: «قربان هییت بیرمی ییتیب کیلمسدن آلدین ناگران‌لر و شهیدلر نینگ عایله اعضالری و سرپرست‌سیز عیاللر نینگ حقوقینی تولش اوچون تلاش قیلماقده‌میز.»
ناگران‌لر و شهیدلر وزیرلیگی نینگ معلوماتی اساسیده، حاضرگی کونده ۱۹۰ مینگ ناگران، ۸۰ مینگ سرپرست‌سیز عیال و ۳۵۰ مینگ شهیدلر فرزندی اوشبو وزیرلیک سیستمی ده ثبت دیر.
