امریکا تشقی ایشلر وزیرلیگی نینگ سوزلاوچیسی ند پرایس نینگ ایتیشیچه، افغانستان ده قیش ییتیب کیلیشی بیلن انسانی وضعیت یمان‌لشگن و امریکا بو مملکت یشاوچی‌لری‌گه یاردم‌ییتکیزیش یول‌لری نی تاپیشی اوچون حرکت قیلماقده.
امریکا تشقی ایشلر وزیرلیگی نینگ سوزلاوچیسی، اوتگن کون بیر خبری ییغین ده ایتیشیچه، امریکا قوشمه ایالت‌لری، افغانستان خلقی‌گه انسانی یاردم ییتکیزیش‌لریدن علاوه، بو مملکت اقتصادی گه نقدپول تزریق قیلیش اوچون ایریم خلق‌ارا نهادلر، جمله دن بیرلشگن ملت‌لر تشکیلاتی و باشقه مملکت‌لر بیلن بیرگه ایشله‌ماقده.
بیزلرنینگ فیسبوک صحیفه‌میزگه باش اورینگ!
اونینگ تاکیدلشیچه، افغانستان ده اوروش، قوروقچی‌لیک و بو مملکت نینگ خلق‌ارا یاردم‌لرگه ته‌ینیب قالگن اقتصادی، خلق‌ارا حربی کوچلری نینگ چیقیشی دن آلدین هم موجود ایدی، اما خلق‌ارا حربی کوچلرنینگ چیقیشی بیلن افغانستان ده انسانی وضعیت یمان‌لشدی.
شونینگ دیک او، امریکا، افغانستان گه یاردم بیره‌دیگن بیرینچی ممکلت‌لر جمله‌سی دن بولسه هم، امریکا یلغوزلیک بیلن افغانستان ده انسانی قیینچیلیکلرنی حل ایتیشی‌گه کوچی ییتمه‌یدی. اونینگ ایتیشیچه، افغانستان گه یقین مملکت‌لر و منطقه مملکت‌لری افغانستان بحرانی‌گه ییتیشیش‌لری کیرک.
ندپرایس، افغانستان نینگ ۱۰ میلیارد دالرگه یقین پولی نی آزاد ایتیلیشی حقیده سوزیوریتمه‌گن، اما پرایس نینگ ایتیشیچه، امریکا نینگ مالیه وزیرلیگی، ایریم مملکت‌لر افغانستان گه انسانی یاردم‌لری نی ییتکیزیشی اوچون عمومی مجوز بیرگن.
بو عین حالده که، افغانستان ده اسلامی امارت حاکمیت گه ایریشگنی دن سونگ، افغانستان نینگ ۱۰ میلیارد دالر گه یقین پول‌لری امریکا تامانیدن موزله‌تیلدی، و افغانستان نینگ خلق‌ارا یاردم‌لرگه قول تاپیشی کیین گه قالدیریلدی.
شونینگ دیک خلق‌ارا نهادلر هردایم، افغانستان گه انسانی یاردم‌لر ییتکیزیلمه‌گنده انسانی فاجعه یوزبیریشی دن آگاه‌لنتیریشگن.
