ننگرهار ساغلیق‌نی سقلش ریاستی مسئوللری نینگ ایتیشلریچه، اوشبو ولایت‌ده توییب آوقاتلنمسلیککه چلینگن باله‌لر سانی کوپهیگن.
اولر نینگ کوپه‌یتیریشلریچه، اقتصادی قیین‌چیلیک و ییگولیک ماده‌لر قیمتی نینگ یوقاریلیگی، باله‌لر آره‌سیده توییب آوقاتلنمسلیک نینگ کوپه‌یگنی گه سبب بولگن اصلی عامل‌لردن دیر.
بیزلرنینگ فیسبوک صحیفه‌میزگه باش اورینگ!
ننگرهار ولایتی کسل‌خانه‌سی نینگ توییب آوقاتلنمسلیک بولیمی مسئولی سکندر غنی نینگ سلام‌وطندار گه ایتیشیچه، بازارلرده ییگولیک ماده‌لر قیمتی کوپهیگن و اهالی اوچ پیت آزیق-آوقات نینگ تیارلش گه کوچی ییتمه‌یدی، انه شوو سبب، باله‌لر آره‌سیده توییب آوقاتلنمسلیک کوپهیگن. «توییب آوقاتلنمسلیک واقعه‌لری کوپهیگن و سببی ایسه ییگولیک ماده‌لر قیمتی نینگ یوقاریلیگی دیر. ایش‌سیزلیک کوپهیگن و اهالی نینگ اقتصادی یحشی ایمس. اولر یخشی ییگولیک ماده گه قول تاپه آلمه‌یدیلر.»
شونده‌ی بیرحالده، ساغلیق‌نی سقلش بوییچه ایش بیلرمان‌لری، باله‌لر اوچون توییب آوقاتلنمسلیک نینگ بیر تهدید دیب و عایله‌لردن باله‌لری نینگ آزیق-آوقاتی خصوصیده توجه قیلیشلری نی ایسته‌گنلر. اولر گه کوره، مسئول رسمی‌لر هم بو توغریده توجه قیلیب و باله‌لر آره‌سیده توییب آوقاتلنمسلیک نینگ کوپه‌یشی گه توسیق بولیشلری نی ایسته‌گنلر.
ننگرهار ولایت‌ده داخله بولیمی شفاکاری روح‌الله نیازی نینگ ایتیشیچه، چقه‌لاق و باله‌لر نینگ آزیق-آوقاتی گه توجه قیلینمه‌سلیک، اهالی نینگ اقتصادی یامان وضعیتی و باله‌لر نینگ تربیه‌سی خصوصیده اهالی نینگ معلومات‌سیزلیگی، باله‌لر نینگ توییب آوقاتلنمسلیککه چلینیش عامللریدن دیر. «توییب آوقاتلنمسلیک اوچ تور دیر، بیرینچیسی باله نینگ قرینی بویوک کورینه‌دی. ایکینچیسی باله اوزی شیشه‌دی و اوچینچیسی ایسه باله هم شیشه‌دی و هم قرینی بویوک بوله‌دی. بو کسل‌لیک بیراز خطرناک و درمان بولیشی اوچون کوپراق زمان کیره‌ک.»
عین حالده، ۸ یاشر باله‌سی توییب آوقاتلنمسلیککه چلینگن کنر ولایتی یشاوچیلریدن زبیر نینگ ایتیشیچه، باله و آنه‌سی درست ییگولیک ماده‌لر گه قول تاپه آلمه‌یدیلر، چونکه قشاق‌لیک سبب اولر گه ییترلی ییگولیک ماده نی تامین قیله آلمه‌یدی. او حکومت‌دن، اهالی نینگ اقتصادی قیین‌چیلیگی حلی و باله‌لر نینگ توییب آوقاتلنمسلیککه چلینمه‌سلیگی اوچون، اهالی گه ایش زمینه‌سی یره‌تیلیشی نی ایسته‌یدی.
بیزلرنینگ «ایکس» ترماغی ده هم تعقیب قیلینگ!
زبیر نینگ کوپه‌یتیریشیچه: «باله‌م توییب آوقاتلنمسلیککه چیلنگن. بیله‌من او آنه‌سی نینگ ییترلی آزیق-آوقات گه قول تاپه آلمه‌گنی سبب، توییب آوقاتلنمسلیککه چلینگن. ایش یوق، حکومت‌دن اهالی گه ایش زمینه‌سی یره‌تیلیشی نی ایسته‌مین.»
ایتیش کیره‌ک که، افغانستان ده ایش‌سیزلیک کوپه‌یگنی بیلن، باله‌لر نینگ ییترلی آزیق-آوقات گه قول تاپه آلمه‌سلیگی سبب، مملکت نینگ شرقی ولایتلری گه علاوه، باشقه ولایت‌لرده هم باله‌لر آره‌سیده توییب آوقاتلنمسلیک کوپهیگن.
