سرپرست حکومت سوزلاوچیسی ذبیح‌الله مجاهد نینگ ایتیشیچه، اداری فساد عیبی بیلن قولگه آلینگن میمنه و سرپل شهری بلدیه باشلیغ‌لری نینگ دوسیهلری تیکشیریلماقده دیر.
اداری فساد و پاره آلیش عیبی بیلن، میمنه و سرپل بلدیه باشلیغ‌لری حبس گه آلینیشی خصوصیده گزارش‌لر ترقه‌لیشیدن کیین، ذبیح‌الله مجاهد، بوگون (سه‌شنبه، ۳ اسد) سلام‌وطندار گه ایتیشیچه، مذکور محلی رسمی‌لر اداری فساد عیبی بیلن قولگه آلینگن و دوسیهلری تیکیشریلماقده دیر.
بیزلرنینگ فیسبوک صحیفه‌میزگه باش اورینگ!
جناب مجاهد نینگ اورغولشیچه، حاضرگچه اوشبو ایکی دوسیه گه تیگیشلی محکمه نینگ فیصله‌سی نهایی بولمه‌گن.
اونینگ کوپه‌یتیریشیچه: «مذکور ایکی کیشی نینگ موضوع‌لری حاضرگچه تیکشیروو آستیده دیر، حاضرگچه قضیه‌لری محکمه‌ده نهایی بولمه‌گن.»
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی، اداری فساد گه عیبله‌نیب قولگه آلینگن اسلام امیرلیگی اعضالری نینگ رقمی حقیده آچیقلمه بیرمسه ده؛ لیکن حاضرگی حکومت رسمی‌لریدن قطاری انده_سنده فساد گه عیبله‌نیش‌لرینی معلوم قیله‌دی.
بوندن آلدین، میدیالر سرپل بلدیه‌سی قاری معاض گه مشهور قاری وکیل و میمنه بلدیه‌سی محب‌الله موفق نینگ اداری فساد گه عیبله‌نیب قولگه آلینگنینی ترقه‌تگنلر.