بیرلشگن ملت‌لر تشکیلاتی بشر حقوقی عالی کمیشنری میشل باشله، افغانستان بشر حقوقی مستقل کمیسیونی یوق ایتیلیشیدن خواطر بیلدیریب و بو حرکت‌نی «آرتگه قیتیش» عنوان قیلگن. او اوتگن کونی ترقه‌تگن بیانیه‌سیده، افغانستان بشر حقوقی منحل بولیشیدن «دهشت‌گه» توشگنینی بیلدیرگن.
بیرلشگن ملت‌لر تشکیلاتی بشر حقوقی عالی کمیشنری نینگ کوپهیتیریشیچه، افغانستان بشر حقوقی مستقل کمیسیونی سونگی ییل‌لرنینگ قیین شرایطی‌ده فوق‌العاده ایشلرنی بجرگن و افغان‌لر اینیقسه اوروش قربانی‌لری بشر حقوقی مسئله‌لری گه دقت قیلگن.
میشل باشله، بشر حقوقی مستقل کمیسیونینی بیرلشگن ملت‌لر تشکیلاتی نینگ مهم شیریک لریدن عنوان قیلیب ایتیشیچه، مذکور کمیسیون افغانستان ده بشر حقوقی ایشلری بوییچه مهم ایدی و بو اداره نینگ منحل ایتیلیشی، افغانستان یشاوچیلری و مدنی جامعه اوچون آرتگه قیتیش دیر.
بیزلرنینگ فیسبوک صحیفه‌میزگه باش اورینگ!
عین‌حالده، اسلامی امارت سرپرست حکومتی ینگی‌لیکده بیر مکتوب آرقه‌لی، بشر حقوقی مستقل کمیسیونی نینگ اداری و خدماتی تشکیلاتی، اساسی قانون تطبیقی‌نی نظارت قیلووچی کمیسیونی، عالی مصالحه کینگشی، ملی خوفسیزلیک کینگشی و نماینده‌لر و سنا مجلسی دارالانشا‌لری نی یوق ایتگنینی اعلام قیلگن.
اسلامی امارت نینگ دولت آلتی اداره‌سینی یوق ایتیش قراری ایریم عکس‌العمل‌لر گه روپه‌ره بولگن. افغانستان بوییچه اروپا اتفاقی نینگ خاص نمانیده‌سی توماس نیکلسون، ۶ دولتی نهاد نینگ اورته‌دن کیتگنی خصوصیده اسلامی امارت نینگ قراری گه قرشی عکس‌العمل کورستیب و ایتگن که، افغانستان ده اونملی نهاد‌لر نینگ اورته‌دن کیتگزیش خواطرلی دیر.
اروپا اتفاقی نینگ خاص نماینده‌سی توییتر صحیفه‌سیده یازگن که، افغانستان ده ییل‌لر اوروش و آتیشمه‌دن کیین، اوشبو نهاد‌لر گه کوپراق نیاز بولگن بیرحالده، اوشبو نهاد‌لر یوق ایتیلگن.
عین‌حالده افغانستان اوچون اروپا اتفاقی نینگ ایلچیسی وان برانت، اسلامی امارت نینگ اوشبو قراری گه قرشی ایتگن که، قانونی دولت‌لر نهاد‌لر ساختاریده اوزگریش کیلتیریش گه حق‌لری بار و بو ایش عمومی آواز بیریش یا-ده پارلمان‌ده آواز بیریش‌دن کیین، یوز بیره‌دی.
اونینگ کوپهیتیریشیچه، ینگی بیر موسسه طراحی بولگنیدن کیین، بیر موسسه نینگ اصلاح بولیشی ممکن، بیراق اونینگ اورغولشیچه، بولردن هیچ بیری اسلامی امارت حکومتی‌ده یوز بیرمه‌گن.
افغانستان اوچون اروپا اتفاقی ایلچیسی نینگ اورغولشیچه، انسان حقوقی نینگ ملی نهادلری، دنیا بیلن ارتباطی کوپریگ دیر، بیراق افغانستانده اوشبو کوپریک‌لر حاضر ایسه تخریب بولماقده، اونینگ بیان قیلیشیچه، افغانستان ملی وحدت گه نیازی بار و بو اقدام‌لر ناتوغری دیر.
شونده‌ی بیرحالده، افغانستان بوییچه آلمان خاص نماینده‌سی جاسپر ویک نینگ ایتیشیچه، اونملی نهاد‌لر نینگ اورته‌دن کیتگزیش افغانستان ده انسان حقوقی، ملی مصالحه و قانون حاکمیتی خصوصیده قیین‌چیلیک یره‌ته‌دی.
بیزلرنینگ توییترده هم تعقیب قیلینگ!
شونده‌ی بیرحالده، دولتی ۶ نهاد نینگ اورته‌دن کیتگنی، ۶ مینگ گه یقین ایشلاوچی نی نابیللی تقدیرده قرار بیرگن. مذکور ایشلاوچیلردن قطاری نینگ سلام‌وطندار گه ایتیش‌لریچه، اوشبو نهاد‌لر ینگی‌لیکده اورته‌دن کیتگن؛ بیراق اولرنینگ نیچه آی‌دن بیری معاش‌لری توللنمه‌گن.
بیراق اسلامی امارت سوزلاوچیسی اورین‌باسرلریدن انعام‌الله سمنگانی نینگ ایتیشیچه، قویاش ۱۴۰۱_ییل نینگ ملی بودیجه‌سی واقعیت‌لر اساسیده ترتیب بولگن؛ چونکه اداره‌لردن بیر قطاری گه نیاز ایمس ایدی و اولر نینگ فعالیت‌لری یوق ایدی و اولر گه بودجه‌ده سهم بیریلمه‌گن ایدی، او یوزدن اورته‌دن کیتگن و کیله‌جکده قیته فعال بولیشی ممکن.
بیرینچی مرته ایمس که اسلامی امارت تامانیدن دولت اداره‌لری اورته‌دن کیتگن، بلکیم بوندن آلدین هم مستقل سیلاو کمیسیونی، سیلاو شکایت لر کمیسیونی و عیاللر وزیرلیگی شامل باشقه اداره‌لردن قطاری حذف بولگن.
