کوپ میش_میش‌لردن کیین قندهار حاکمی و اسلام امیرلیگی رهبری نینگ یقین‌لریدن محمدشیر آخوند، اوتگن کون بیر هیئت ییتکچیلیگیده پاکستان گه سفر قیلدی.
افغانستان هیئتی پاکستان گه سفر قیلمسدن آلدین، اسلام امیرلیگی نینگ بو مقامی پاکستان رسمی‌لری بیلن پاکستان‌لیک طالبلر تحریکی (تی‌تی‌پی) مسئله‌سی حقیده بحث ایتیشی ایتیلگن ایدی؛ بیراق سفر دن کیین چیگره خوفسیزلیگی و ایکی مملکت نینگ مناسبت‌لرینی مستحکم‌لش حقیده بحث ایتیلیشی معلوم قیلیندی.
برچه‌سی بیلن، پاکستان تشقی ایشلر وزیرلیگی بیر بیانیه ترقه‌تیب، پاکستان وقتینچه‌لیک حکومت تشقی ایشلر وزیری جلیل عباس جیلانی، قندهار حاکمی بیلن اوچره‌شیب و تامان‌لر ایکی مملکت نینگ مناسبت‌لرینی مستحکم‌لش و یوقاری درجه ده مذاکره‌‌لر بولیب اوتیشی اوچون کیلیشگن‌لرینی اعلام قیلدی.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی نینگ ایتیشیچه، اوشبو اوچره‌شوو ده چیگره‌لرده‌گی قیینچیلیک‌لر محاکمه قیلینگن.
برچه‌سی بیلن، اسلام امیرلیگی سوزلاوچیسی ذبیح‌الله مجاهد، سرپرست حکومت هیئتی پاکستان رسمی‌لری بیلن افغانستان و پاکستان چیگره‌لریده قولی‌لیک یره‌تیش، ایکی مملکت چیگره‌لریده‌گی خوفسیزلیک خواطرلرنی تیکشیریش و قاچاق آلدی آلینیش مسئله‌لری اوستیگه بحث ایتگنینی معلوم قیله‌دی.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «امنیت بولیمیده چیگره‌لر خوفسیزلیگی اوچون دقت بولینسه، افغانستان دولتی بو مملکت توپراغیدن باشقه اولکه‌لر گه هجوم قیلیش ایزینینی بیرمس کبی پاکستان هم بو مسئله گه جدی دیر، چیگره‌چیلر تامانیدن یولاوچیلر بیزاوته بولیشی گه چیک قوییلیشی درکار.»
افغانستان ده اسلام امیرلیگی حاکمیتیدن کیین ایکی تامان چیگره‌چیلری چمه‌سی ییتتی مرته توقنشگن بیرحالده، اسلام امیرلیگی و پاکستان رسمی‌لری ایکی مملکت آره‌سیده چیگره‌لر خوفسیزلیک مسئله‌سی حقیده بحث ایتگنلر.
بو توقنشوولر و چیگره ده‌گی قرشی‌لیک‌لر جانی تلفات گه قوشیمچه، ایکی مملکت نینگ سوداگرلیک و اقتصادی مناسبتی اوستیگه سلبی تاثیر قیلگن؛ پاکستان حکومتی افغانستان نینگ سوداگرلیک توارلری صادراتی اوستیگه ایریم باسیم‌لرنی کیلتیریب و افغانستان نینگ یوک تاشووچی موتر هیداوچیلری گه ویزه صادر قیلیشنی جبری قیلیش اوچون تلاش قیلماقده دیر.
بیزلرنینگ «ایکس» ترماغی ده هم تعقیب قیلینگ!
بو قیینچیلیک‌لر و چیگره ده‌گی معمالر باعث، صناعت و سوداگرلیک وزیرلیگی نینگ معلوماتی اساسیده، میلادی اوتگن ییل ده پاکستان گه افغانستان نینگ صادرات رقمی، میلادی ۲۰۲۲-ییل گه نسبتن کمه‌یگن.
برچه‌سی بیلن، ایش بیلرمان‌لر افغانستان و پاکستان چیگره‌لریده‌گی معمالر گه چیک قوییش اوچون اسلام امیرلیگی و پاکستان رسمی‌لری نینگ بو کبی مذاکره‌لرینی اونیملی بیله‌دیلر.
سیاسی و خوفسیزلیک ایش بیلرمان صادق شینواری نینگ سلام‌وطندار گه ایتیشیچه: «بو ییغیلیش‌لرده کوپراق سیاسی و اقتصادی مسئله‌لر بحث گه آلینیشی کیره‌ک.»
سیاسی ایش بیلرمان عبدالشکور دادرس گه کوره: «قوشنی‌لر اورته‌سیده قیینچیلیک‌لر حل بولسه خورسند بوله‌میز، چونکه توقنشوو و قرشی‌لیک‌لردن کوپراق یشاوچیلر زیان کوره‌دی.»
ایتیش کیره‌ک، پاکستان پایتختی اسلام‌آباد ده افغانستان ایلچی‌خانه‌سی، اوشبو ایلچی‌خانه نینگ ایکس اجتماعی ترماغی ده، افغانستان و پاکستان قوشمه اویغون‌‌لیک کمیته نینگ آلتینچی ییغیلیشی یولگه قوییلیشیدن خبر بیرگن.
