میلادی ۲۰۲۴-ییل‌نینگ یکون‌لنیشی بیلن بیرگه، اسلام امیرلیگی سوزلاوچیسی ذبیح‌الله مجاهد، بو ییل‌نی اوتگن ایکی ییل گه قره‌گنده افغانستان اوچون تورلی بولیم‌لرده ترقیات و رواجلنیش خصوصیده یخشی فرصت‌لر و یوتوقلر بیلن توله بیر ییل دیگن. جناب مجاهد‌نینگ سلام‌وطندار گه ایتیشیچه، میلادی ۲۰۲۴-ییل‌ده افغانستان منطقه و دنیا بیلن دیپلماتیک مناسبتلرینی کینگه‌یتیریب، خوفسیزلیک یوتوقلر جمله‌دن امنیتی کوچلر‌نینگ کوچلنتیریلیشی‌نی کوپه‌یتیرگن و شونینگدیک اقتصاد نقطه‌ی نظری‌دن هم اونملی و اساسی لایحه‌لرنی ایش‌گه توشیریش بیلن، اوزون مدتلی اقتصادی رواجلنیش، ایش فرصت‌لری یره‌تیلیشی و افغانستان ده چیت‌ایللیک‌لر تامانیدن سرمایه یاتقیزیش توغریسیده امکانیت یره‌تماقچین بولگن.
اونینگ کوپه‌یتیریشیچه: «اسلام امیرلیگی ۲۰۲۴-ییل‌ده برچه یخشی بولیم‌لر گه ایگه بولگن؛ چونکه اقتصادی، امنیتی و دیپلماتیک بولیم‌لرده یخشی ترقیات صورت تاپگن و امنیت نقطه‌ی نظری‌دن یخشی ییل‌گه ایگه ایدیک؛ بیر قطار خوفسیزلیک مزاحمت‌لر رقمی قویی کیلیب و افغانستان خوفسیزلیک کوچلری کوچلنگن. دیپلماتیک بولیم‌ده هم افغانستان کوپینچه مملکت بیلن مناسبتلرینی کوچه‌یتیرگن؛ قزاقستان، آذربایجان، بیر قطار اروپایی مملکت‌لر و بیرلشگن عرب امیرلیکلری و منطقه گه یقین مملکت‌لر بیلن مناسبتلریمیز یخشی‌لنگن. قنسولی خذمتلر کوچه‌یگن و مملکت‌لرده ینگی ایلچی‌خانه‌لر آچیلگن.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی سوزلاوچیسی ۲۰۲۴-ییل‌ده تورلی بولیم‌لرده افغانستان وضعیتی یخشی‌لنگنی‌نی بیان قیلگنی بیرحالده؛ بیراق اسلام امیرلیگی‌نینگ قدرت گه ایریشگنی‌دن اوچ ییل اوتگنی بیلن، نیگه حاضرگه قدر دنیا مملکتلری تامانیدن رسمی تن آلینمه‌ی و تورلی چېکلاولر بیلن روپه‌ره دیر؟ بو توغریده جناب مجاهد‌نینگ ایتیشیچه، اولر ۲۰۲۴-ییل‌ده تن آلینیش‌لری اوچون ییترلیچه سعی-حرکت قیلگنلر، بیراق تشقی اره‌لشوولر باعث بو معما حل بولمه‌گن. «افغانستان اوز طرفی‌دن یخشی آدیملرنی آلگن و قالگن بعضی قیینچیلیکلر قالگن که مملکت‌لر و بیرلشگن ملتلر تشکیلاتی بیلن یخشی شکلده علاقه قوره آلمه‌دیک، توسیق‌لیک چیت‌ایللیک ایدی که ترقیاتلر آلدینی آله‌دیلر. بو قیین‌چیلیک حلی بیر یا-ده ایکی ییل‌ده حل بولمه‌یدی و زمان آله‌دی.»
شونده‌ی بیرحالده، سیاسی ایش بیلرمانلر میلادی ۲۰۲۴-ییل‌نی افغانستان اوچون امکانیت‌لر و قیینچیلیگی بار بیر ییل دیگنلر. سیاسی ایش بیلرمانلردن احمد‌منیب و برنا صالحی‌نینگ ایتیشلریچه، افغانستان‌نینگ حاضرگی برچه قیینچیلیگی سببی بولگن مشروعیت بحرانی حلی اوچون، فغانستان و دنیا‌نینگ کیلیشووی و ۲۰۲۵-ییل‌ده افغانستان حقیده قوشمه بیر فکر خصوصیده مملکت‌لر هماهنگ‌لیگی گه نیاز دیر.
احمد‌منیب رسا‌نینگ کوپه‌یتیریشیچه: «تورلی مملکت‌لر اسلام امیرلیگی بیلن علاقه قورماقچین و همکارلیککه قیزیققن. هم قیینچیلیکلر بار و هم فرصت‌لر بار. حاضرگچه چیکلاولر بار و حاضرگچه بانکی چیکلاولر بار. حاضرگچه افغانستان بیرلشگن ملتلر تشکیلاتی بیلن مکمل شکلده باغلنمه‌ی و اورنی‌نی قولگه کیلتیره آلمه‌گن و بشر و عایللر حقوقی مسئله‌لری کبی افغانستان ده دنیا‌نینگ ملاحظه‌لری تولمه‌گن.»
بیزلرنینگ فیسبوک صحیفه‌میزگه باش اورینگ!
شونینگدیک برنا صالحی‌نینگ کوپه‌یتیریشیچه: «افغانستان ده سیاسیت‌لر گه نسبت چیت‌ایللیک خواطرلر‌نینگ بولگنی و قوشمه بیر کیلیشوو اورته گه کیلمه‌گنی‌‌گه قدر افغانستان وضعیتی انه شوو رقم قالیشی ممکن. سیاستلر، برنامه‌لر و مناسبتلر‌ده، اسلام امیرلیگی‌نینگ دنیا بیلن ینگی سیاست‌لرنی قولگه آلیشی‌نی امید قیله‌میز که کوپینچه تحول‌لر گه شاهد بوله‌یلیک.»
اسلام امیرلیگی سوزلاوچیسی‌نینگ ایتیشیچه، اوشبو حکومت ۲۰۲۵-ییل‌ده برچه بولیم‌لرده وضعیت یخشی‌لنیشی و منطقه و دنیا بیلن مناسبت‌لری کینگه‌یشی توغریسیده سعی‌وحرکت قیلماقده. بوندن آلدین سرپرست حکومت تشقی ایشلر وزیرلیگی سرپرستی امیرخان متقی، افغانستان ۲۰۲۴-ییل‌ده ۳۹ مملکت بیلن دیپلماتیک مناسبتی بولگنی نی ایتگن دیر.