اسلام امیرلیگی تشقی ایشلر وزیرلیگی سرپرستی امیرخان متقی، کابل ده اندونیزیا ایلچیخانهسینینگ ینگی شارژدافیری نندا ایوالیست بیلن اوچرهشگنیده، افغانستان سرپرست حکومتینینگ اندونیزیا بیلن ایجابی مناسبتلرنی کینگهیتیریشگه بولگن قیزیقیشیگه تاکید قیلگن.
بیزلرنینگ فیسبوک صحیفهمیزگه باش اورینگ!
بوگون (۱۶-جوزا، جمعه)، تشقی ایشلر وزیرلیگی آرقهلی ترقهتیلگن بیانیه اساسیده، جناب متقی اندونیزیا ده اسلام امیرلیگی دیپلماتلری قبول بولگنیدن خورسندلیک بیلدیریب، افغانستان اهالیسیگه نسبت مذکور مملکتنینگ حمایتلریدن قدردانلیک قیلگن.
تشقی ایشلر زیرلیگینینگ بیانیهسی اساسیده، نندا ایوالیست هم ایکی مملکت آرهسیده «یخشی و کینگ» مناسبتلرنی مستحکملش ضرورلیگیگه تاکیدلب و ایتیشیچه، ماموریتی جریانیده افغانستاننینگ ترقیاتلری و میدانی حقیقتلرنی اندونیزیا دولتی بیلن شریک قیلیشگه سعیوحرکت قیلیشی ممکن. اونینگ کوپهیتیریشیچه، کابل و جاکارتا آرهسیده یخشی مناسبتلرنی یرهتیش اوچون هم سعیوحرکت قیلهدی.
بیزلرنینگ «ایکس» ترماغی ده هم تعقیب قیلینگ!
کابل و جاکارتا آرهسیدهگی مناسبتلر فرهنگی، تعلیمی و دینی همکارلیکلر اساسیده قوریلیب و اندونیزیا اسلامی همکارلیک تشکیلاتی کبی تشکیلاتلر آرقهلی افغانستان دهگی مسئلهلرده واسطهچیلیک رولینی اوینهب کیلگن.
