افغانستان اسلامی امارتی نینگ تشقی ایشلر وزیرلیگی نی باشقروچیسی امیرخان متقی ایتیشیچه، اسلامی امارت دنیا جماعه‌چیلیگی مخصوصاً امریکا بیلن یخشی علاقه قوریشی نی ایسته‌یدی. او، امریکا زمان اوتیشی بیلن اسلامی امارت مقابلی ده اوز سیاستی نی اوزگره دی دیب امیدبیلدیرگن.
تشقی ایشلر وزیرلیگی نینگ باشقروچیسی آسوشیتدپرس بیلن بولگن صحبتیده، اسلامی امارت امریکا بیلن هیچ بیر قیینچیلیگی یوق و امریکا نینگ اسلامی امارت گه قرشی قویگن تحریم‌لری تاثیرلی ایمس، دیگن.
بیزلرنینگ فیسبوک صحیفه‌میزگه باش اورینگ!
متقی، آمریکا و ایریم مملکت‌لر دن، افغانستان گه تیگیشلی موزلنگن پول‌لر نینگ آزاد ایتیلیشی نی سوره دی؛ چونکه تینچ‌سیز افغانستان ضعیف بیر دولت بیلن هیچ بیر تامان نینگ منفعتی گه ایمس. اونگه کوره اسلامی امارت حاکمیتی آستیده بولگن بیر مملکت اوز ایاق اوستیگه توخته‌سه بو امریکا نینگ منفعتی گه، دیدی.
تشقی ایشلر وزیرلیگی نینگ باشقروچیسی تاکید قیلیشیچه، اسلامی امارت مسوول‌لری آلدین‌گی دوره حاکمیتی گه اوزگرگن، قدرت گه ایریشیش بیلن سیاسی و اداری ایشلری ده یوتوق‌لری بار و کون‌ساین اسلامی امارت کوپراق تجربه گه ایگه بولیب کیلماقده.
امیرخان متقی، افغانستان ده خاتین-قیزلر گه قرشی قوییلگن چیکلاولر دن، دنیا جماعه‌چیلیگی قیلگن تنقیدلریگه جواب قیتریب، اون ولایت ده قیزلر اون ایکینچی صنف گچه مکتب باریشلری، خصوصی مکتب‌لر و بیلیم یورت‌لر نینگ فعال قالیش‌لری و ساغلیق بولیم‌لر ده خاتین‌لر نینگ یوزده یوز حصه قوشیش‌لری، عیال‌لر اشتراکی بیلن ینگی حکومت نینگ تعهدی نی کورسته دی.
بو عین حالده ایتیله دی که، افغانستان ده اسلامی امارت حاکمیتی دن تورت آی بوله دی، و هیچ بیر مملکت تامانیدن بو حکومت رسمیت گه تانیلمه‌گن. دنیا جماعه‌چیلیگی تامانیدن، انسان حقلری تامین ایتیلیشی و خاتین-قیزلر نینگ حقوقی نظرگه آلینیشی، اسلامی امارت رسمیت گه تانیلیشی اوچون شرط قوییلگن.