افغانستان توپراغی‌دن خوفسیزلیک تهدید‌لر موجود‌لیگی خصوصیده پاکستان رسمی‌لری نینگ خواطرلری و تنقید‌لری دوامی‌ده، پاکستان حکومتی تامانیدن بیر هیئت، افغانستان بوییچه اوشبو مملکت خاص نماینده‌سی آصف علی‌خان درانی ییتکچیلیگیده، کابل گه کیلیب و حاضر ایسه، ایکی تامان‌لمه مناسبت‌لر یخشی‌لنیشی خصوصیده اسلام امیر‌لیگی رسمی‌لری بیلن اوچره‌شماقده دیر.
افغانستان تشقی ایشلر وزیرلیگی بیر خبرنامه ترقه‌تیش بیلن اعلام قیلیشیچه، اوشبو اوچره‌شووده مذکور هیئت تشقی ایشلر وزیرلیگی سرپرستی امیر‌خان متقی بیلن، خوفسیزلیک مسئله‌لر، سوداگرلیک و چیگره قیین‌چیلیک‌لری و شونینگدیک پاکستان ده افغانستان‌لیک مهاجرلر قیین‌چیلیک‌لری خصوصیده صحبت قیلینگن.
بیزلرنینگ فیسبوک صحیفه‌میزگه باش اورینگ!
شونینگدیک خبرنامه‌ده امیر‌خان متقی‌دن نقل قیلینیب یازیلیشیچه، افغانستان و پاکستان آره‌سیده خوفسیزلیک مسئله‌لر، قوشمه بیر کمیته آرقه‌لی حل بولیب و شونینگدیک ایکی تامان، ایکی تامان‌لمه مناسبت‌لر خصوصیده ناتوغری واقعه‌لر آلدی آلینیشی گه تاکید قیلگنلر.
تشقی ایشلر وزیرلیگی سوزلاوچی اورین‌باسری ضیااحمد تکل، مذکور اوچره‌شوودن میدیالر گه سیسلی بیر کلیپ یوباریش بیلن ایتیشیچه: «اوشبو اوچره‌شووده ایکی تامان بحث‌لی موضوع‌لر حلی اوچون عاجل اقدام‌لر نی قولگه آلیشلری کیره‌ک و کیله‌جک‌ده هر قنده‌ی ناتوغری واقعه نینگ آلدی آلینیشی کیره‌ک.»
شونینگدیک، پاکستان نینگ وقتینچه‌لیک باش‌وزیری انوارالحق کاکر، بیرلشگن ملت‌لر تشکیلاتی نینگ عمومی مجمع‌سیده قیلگن بیاناتی‌ده، ترورچیلیک بیلن قرشی کوره‌ش نی مملکتی نینگ اولویتی دیب و پاکستان برابریده افغانستان توپراغی‌دن هجوم‌لر نینگ توخته‌تیلیشی خصوصیده تاکید قیلگن.
عین حالده، ایش بیلرمان‌لر افغانستان برابریده باشقه مملکت تامانیدن بو کبی خوفسیزلیک خواطرلر دوامی عاقبتی خصوصیده خواطر بیلدیریب تاکید قیلیش‌لریچه، سرپرست حکومت ترورچیلیککه قرشی کوره‌ش برابریده دنیا نینگ قناعت بیریش اوچون، عملی آدیم‌لر نینگ آلیشی کیره‌ک.
بو توغریده سیاسی مسئله‌لر بیلرمانی باقر محسنی نینگ سلام‌وطندار گه ایتیشیچه: «اسلام امیر‌لیگی دایم خلق‌ارا مشروعیت نی تاپیش خصوصیده سعی و حرکت قیلگن و باشقه بیر تامان‌دن، دنیا جماعه‌سی اسلام امیر‌لیگی ترورچیلیک بیلن قرشی کوره‌شگنی پیتده، رسمیت گه تانیلیش شرطی نی وضع قیلگن و هر قچان بو خواطرلر کوپه‌یگنی پیتده، اسلام امیر‌لیگی و دنیا جماعه نینگ اورته‌سیده‌گی فاصله کوپه‌یه‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک بو توغریده سیاسی مسئله‌لر بیرلرمان‌لریدن باشقه بیری ویس ناصری نینگ ایتیشیچه: «دنیا و افغانستان اهالی‌سی نینگ ایشانچی، اسلام امیر‌لیگی برچه قانون و دنیا کنوانسیون‌لری نینگ رعایت قیلگنی و افغانستان ده مسئول، جواب بیرووچی و قانونی بیر حکومت اورته گه کیلگنی پیتده، قولگه آلینه‌دی.»
ایتیش کیره‌ک که، ترورچیلیک بیلن قرشی کوره‌ش، اسلام امیر‌لیگی نینگ رسمیت گه تانیش اوچون دنیا جماعه نینگ شرط‌لریدن بیری دیر.