جمهوررئیس ملی خوفسیزلیک مصلحتچیسی حمدالله محب، مولوی مجیب‌الرحمان انصاری نینگ سونگی بیاناتی گه عکس‌العمل کورسه‌تیب ایتیشیچه، اهالی نی تیزیم گه قرشی تحریک قیله‌دیگن کیشی «یاغی» دیر.
جناب محب بوگون (شنبه ۲- حوت) ملی خوفسیزلیک عمومی باشلیغی و مدافعه و ایچکی ایشلر وزیرلیگی اورین‌باسرلری بیلن اوتکزگن قوشمه خبری ییغینده، بو موضوع نی بیان قیلگن. اونینگ ایتیشیچه، ملی خوفسیزلیک ریاستی گه مولوی انصاری نینگ بیاناتی منطقوی استخباراتی نقطه‌لرینی تیکشیریش‌لری خصوصیده بویروغ بیریلگن.
عین حالده، ملی خوفسیزلیک عمومی باشلیغی احمدضیا سراج بو ییغینده ایتیشیچه، قانون دن تشقری اَدیم قویگن کیشیلر بیلن قانونی یول باریله‌دی. شونده‌ی بیرحالده، هرات حاکمی نینگ ایتیشیچه، هرات داعش نی تولید قیلیش اوچون توغری بیر ییر ایمس.
اوتگن کون هرات گازرگاه جامع مسجدی نینگ خطیبی مولوی مجیب‌الرحمان انصاری جمعه نمازی خطبه‌سیده، حاضرگی تیزیم‌دن حمایت قیله‌دیگن هر بیر کیشی کتته گناه گه چلینگن دیگن ایدی. شونینگدیک انصاری نینگ کوپه‌یتیریشیچه، حاضرگی تیزیم نی تَن آلگن دین عالم‌لری یهود و نصارا عالم‌لری نینگ جمله‌سیدن دیر.
شونده‌ی بیرحالده، جمهوررئیس‌لیک سرایی مجیب‌الرحمان انصاری نینگ بیاناتی گه قرشی عکس‌العمل کورسه‌تیب ایتیشیچه، امنیتی کوچلرگه قرشی بیانات بیریش کتته گناه دیر.
شونینگدیک مملکت یشاوچیلری و اجتماعی ترماقلر فعاللریدن قطاری مولوی انصاری نینگ بیاناتی‌دن تنقید قیلیب ایتیش‌لریچه، حکومت مولوی انصاری نینگ افراطیت نی آلدینی آلیشی کیره‌ک و او امنیتی کوچلر و دولتی ایشلاوچی‌لردن عذر سوره‌شی کیره‌ک.
