بیرلشگن ملتلر تشکیلاتیده افغانستان دایمی نماینده‌لیگی نینگ اعلام قیلیشیچه، مذکور نماینده‌لیک نینگ مختار‌وزیری و اورین‌باسری محمدولی نعیمی، بیرلشگن ملتلر تشکیلاتیده افغانستان نماینده‌لیگی سرپرستی نی بویینیگه آلدی.
مذکور نماینده‌لیک، بوگون بیر اعلامیه ترقه‌تیب ایتیشیچه، بیرلشگن ملتلر تشکیلاتیده افغانستان نینگ سابق نماینده و ایلچیسی غلام‌محمد اسحاق‌زی نینگ استعفا بیرگنیدن کیین، محمدولی نعیمی نینگ ساغلیک قیین‌چیلیگی نی نظر گه آلیب، «افغانستان اسلامی جمهورلیگی نینگ تشقی ایشلر وزیرلیگی» تامانیدن نصیراحمد فایق بیرلشگن ملتلر تشکیلاتیده افغانستان نماینده‌لیگی سرپرستی صفتیده تعیین بولگن ایدی.
بیزلرنینگ فیسبوک صحیفه‌میزگه باش اورینگ!
اعلامیده کیلیشیچه، اوشبو مدت‌ده ولی نعیمی ساغلیک قیین‌چیلیگی گه علاوه، اوز ایشی‌نی دوام بیرگن ایدی و بیرلشگن ملتلر تشکیلاتی برنامه‌لری‌ده عادی بیرشکلده شرکت قیلر ایدی.
بیرلشگن ملتلر تشکیلاتی نینگ نماینده‌لیگی دفتری گه کوره، اوشبو نماینده‌لیک نینگ اورین باسری و مختار‌وزیری محمدولی نعیمی، رسمی بیرشکلده بو سمت نینگ سرپرستلیک مسئولیتی نی بویینیگه آلگن. اوشبو نماینده‌لیک نینگ کوپه‌یتیریشیچه، اوشبو موضوع بوندن آلدین «افغانستان اسلامی جمهورلیگی نینگ تشقی ایشلر وزیری» حنیف اتمر تامانیدن بیر برنامه آرقلی بیرلشگن ملتلر تشکیلاتی نینگ باش کاتبی دفتری گه خبر بیریلگن.
بیزلرنینگ توییترده هم تعقیب قیلینگ!
اعلامیده‌ده کیلگن که، شونینگدیگ نصیراحمد فایق افغانستان نماینده‌لیگی نینگ مختاروزیر مصلحتچیسی صفتیده سابق ایشی گه دوام بیره‌دی. فایق بوندن آلدین توییتر صحیفه‌سیده، بو موقف‌دن برکنار بولیشی اوچون سعی و حرکتلر نی توطئه دیگن.
شونده‌ی بیرحالده، افغانستان سابق حکومتی نینگ سقوط قیلگنی و اسلامی امارت نینگ قدرت گه ایریشگنیدن کیین، بیرلشگن ملتلر تشکیلاتیده افغانستان نماینده‌لیگی نینگ چوکی‌لری جنجللیک بیر بحث بولگن. اسلامی امارت قطرده اسلامی امارت سیاسی دفتری رئیسی سهیل شاهین نی اوشبو چوکی نینگ نامزدی صفتیده معرفی قیلگن.
