حج و اوقات وزیرلیگی رسمی‌لری بوگون «دولت نینگ ملت گه حساب بیریش» برنامه‌سیده اوشبو وزیرلیک نینگ بیر ییل‌لیک ایشلری و یوتوق‌لری نی رسانه‌لر بیلن شریک قیلگنلر.
حج و اوقاف وزیرلیگی رسمی‌لری نینگ ایتیش‌لریچه، مملکت بویلب فعال مسجد‌لر سانی ۷۲ مینگ دیر.
حج و اوقاف وزیرلیگی نینگ دفتر رئیسی نذرالله بیان ایتگن که، بو آره‌ده مسجد‌لردن یالغیز ۷ مینگ ته‌سی رسمی شکلده فعالیت قیله‌دی و باشقه قالگنی ایسه غیر رسمی فعالیتی بار.
بیزلرنینگ توییترده هم تعقیب قیلینگ!
حج و اوقاف وزیرلیگی نینگ دفتر رئیسی گه کوره، رسمی مسجد‌لردن برچه‌سی نینگ مسئوللری ملکی خذمت‌لر ایشلاوچیلری نینگ معاش‌لری اصولی اساسیده امتیاز قولگه کیلتیره‌دیلر.
اونینگ کوپه‌یتیریشیچه: «افغانستان بویلب کمیده ۷۲ مینگ مسجدی‌میز بار، کابل شهریده کمیده ۱۲ فایز رسمی مسجد بار و ولایت‌لرده هم رسمی مسجد‌لریمیز بار که حج و اوقاف ویزلیگی یانیده توپلم کمیده ۷ مینگ رسمی مسجد قید بولگن دیر.»
شونده‌ی بیرحالده، حج و اوقاف وزیرلیگی مملکت بویلب غیر رسمی مسجد‌لر فعالیت پروسه‌سی نینگ جدی شکلده نظارت قیلینیشیدن خبر بیرگن.
بیزلرنینگ فیسبوک صحیفه‌میزگه باش اورینگ!
حج و اوقاف وزیرلیگی سوزلاوچیسی فاضل‌محمد حسینی نینگ سلام‌وطندار گه ایتیشیچه، غیر رسمی مسجد‌لرده هر قنده‌ی غیرقانونی فعالیت‌لر نینگ آلدی آلینه‌‌دی و حاضرگچه بو توغریده هیچ بیر شکایت قید ایتیلمه‌گن.
ایتیلیشچه، بوندن آلدین غیر رسمی مسجد‌لرده ترورچی گروه‌لر نفوذی خصوصیده دایم خواطرلر بیان بولگن دیر.
