سوو و انرژی وزیرلیگی نینگ اعلام قلیشیچه، اسلامی امارت هیرمند (هلمند) دریایی حوزه سووی نینگ مدیریت قیلیش اوچون، ایران مملکتی بیلن منعقد بولگن معاهده ضمیمه‌لری، حقوقی اساس‌لری بوتون مواد و فنی محتوا بیلن کامل شکلده موافق دیر.
مذکور وزیرلیگ بیر اعلامیه ترقه‌تیب ایتیشیچه، اوشبو دایمی معاهده نینگ تطبیقی اوچون قوی اراده و همکارلیک بیلن، ایران قوشنه مملکتی بیلن ایشلماق گه تیار دیر.
هیرمند دریا سووی نینگ معاهده‌سی ۱۳۵۱-قویاش ییلده، افغانستان و ایران باش وزیرلری موسی شفیق و عباس هویدا آره‌سیده امضا بولگن ایدی.
بیراق ایران نینگ ادعا قیلیشیچه، افغانستان دولتی امضا بولگن معاهده اساسیده، اوشبو مملکت نینگ سوو حقی نی تامین قیلمه‌گن.
سونگی کون‌لرده زابل نینگ سیستان و ایران نینگ بلوچستان ولایتی هیرمند نهری یقینلیگیده کمال‌خان توغانی نینگ آزاد بولیشی اوچون اعتراض‌لر یولگه قویگن ایدیلر که زوروانلیککه دوچ کیلیب و نتیجه‌ده، ایرانی‌لر نیمروز ولایتی بیلن اوشبو مملکت چیگره‌سیده افغانستان نینگ یوک تاشووچی موترلری گه هجوم قیلدیلر.
بوندن کیین، ایران تشقی ایشلر وزیرلیگی سوزلاوچیسی سعید خطیب‌زاده نینگ ایتیشیچه، اوشبو ولایت یشاوچیلری سوو کم‌لیگی بیلن روپه‌رو دیر و ۱۳۵۱-ییل معاهده‌سی اساسیده، هیرمند نهریدن ایران نینگ سوو حقی حتمی دیر. اونینگ کوپه‌یتیریشیچه، ایران تشقی ایشلر وزیرلیگی هیرمند نهریدن ایران سوو حقی نی تامین‌لش اوچون بوتون وسیله‌لریدن قولنیشی ممکن.
شونینگدیک بوندن آلدین، ایران تشقی ایشلر وزیرلیگی نینگ اورغولشیچه، هیرمند نهری تعریف بولگن حقوقی تیزیمی بار و امضا بولگن ایران و افغانستان آره‌سیده‌گی معاهده اساسیده، ایران نینگ سوو حقی بیللی دیر.
شونده‌ی بیرحالده، اسلامی امارت تشقی ایشلر وزیرلیگی سرپرستی امیر‌خان متقی، اوتگن آی ایران گه قیلگن سفریده، اوشبو مملکت تشقی ایشلر وزیری بیلن اوچره‌شیب و هیرمند نهری‌ده ایران سوو حقی خصوصیده صحبت اوتکزگن ایدی. متقی ۱۳۵۱-ییل هیرمند قراردادی خصوصیده تیزلیککه ایکی مملکت نینگ فنی هیأتلری بیربیراولری بیلن اوچره‌شیب و تیگیشلی موضوع‌لر نی حل و فصل قیلیشلری نی ایتگن ایدی.
