اسلامی امارت معارف وزیرلیگی مسئوللری نینگ ایتیشلریچه، قیزلر نینگ اورته و لیسه مکتب‌لرینی آچیش اوچون سعی و حرکت قیلماقده‌لر و بو توغریده‌گی بعضی ایشلر عملی بولگن.
اسلامی امارت معارف وزیرلیگی نینگ سوزلاوچیسی عزیز‌احمد ریان، پاک_افغان جرگه نامی آستیده اوتکزیلگن ییغین‌ده ایتگن که، افغانستانده قیزلر نینگ لیسه و اورته مکتب‌لری دایمی شکلده یاپیق قالمه‌یدی؛ بلکیم مصون بیر فضا ایجاد قیلیش بیلن، تیزلیککه آچیلیشی ممکن.
بیزلرنینگ فیسبوک صحیفه‌میزگه باش اورینگ!
معارف وزیرلیگی سوزلاوچیسی نینگ کوپه‌یتیریشیچه: «اسلامی امارت، اسلامی قدریتی و افغانی کلتورنی رعایت ایتیشی بیلن قیزلر نینگ ۷-صنف‌دن ۱۲-صنف‌گچه مکتب‌لری آچیلیشی اوچون بیر میکانیزم طرح و عملگه آشیریش مقصدیده ایشله‌ماقده و بو توغریده‌گی بعضی ایشلر صورت تاپگن.»
ریان نینگ اورغولشیچه، اسلامی امارت حکومتی عیال‌لر و قیزلر اوچون تعلیمی مصون محیط نینگ ایجاد بولیشی نی «ملی و شرعی وجیبه» دیگن و قیزلر نینگ تعلیمی گه تشقی باسیم‌لر اساسیده ایمس، بلکیم «افغانستان ملتی نینگ مشروع ایسته‌کلری» سبب تعهد‌لی دیر.
بیزلرنینگ توییترده هم تعقیب قیلینگ!
شونده‌ی بیرحالده، ۸آیدن کوپ ۶-صنف‌دن یوقاری قیزلر نینگ مکتب‌لری یاپیلیشیدن اوتماقده. اسلامی امارت جاری ییل نینگ حمل آییده قیزلر نینگ مکتب‌لری آچیلیشینی و اسلامی شریعت اساسیده طرح ایجاد بولیشی اوستیگه تأکید ایتگن ایدی، لیکن حاضرگچه بوتوغریده هیچ بیر اقدام صورت تاپمه‌گن. اسلامی امارت نینگ بو قراری ایچکی و تشقی عکس‌العمل‌لر بیلن روپه‌رو بولیب و دنیا جماعه‌چیلیگی نیچه مرته قیزلر یوزیگه مکتب‌لر نینگ تیزلیککه آچیلیشی نی سوره‌گن.
