زابل و پروان ولایتیده یوز بیرگن اوچ پارتلشده ۱۲ کیشی هلاک و باشقه ۵۰ دن آرتیق کیشی یره‌لنگن. زابل حاکمی اورین باسری عنایت‌الله هوتک نینگ سلام‌وطندارگه ایتیشیچه، اوتگن کیچه ساعت ۱۲ ده کابلدن قندهار تامان باره‌دیگن مسافر تاشیووچی بیر موتر قلات شهریده جاده چیککه‌سیده جایلشتیریلگن ماین بیلن دوچ کیلگن.
اونینگ ایتیشیچه، اوشبو پارتلشده عیال‌لر و باله‌لر شامل ۱۰ کیشی هلاک و باشقه ۴۱ کیشی یره‌لنگن.
عین‌حالده، ایچکی ایش‌لر وزیرلیگی سوزلاوچیسی طارق آرین نینگ ایتیشیچه، زابل مرکزی قلات شهریده یوز بیرگن پارتلشده ۱۱ تینچ اهالی هلاک و باشقه ۲۸ تینچ اهالی یره‌لنگن.
شونینگدیک، پروان ولایتیده یوز بیرگن ایکی پارتلشده ۲ تینچ اهالی هلاک و باشقه ۱۳ کیشی یره‌لنگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
پروان پولیس قومندانلیگی نینگ جنایت‌لرگه قرشی کوره‌ش مدیری محمدصادق هاشمی نینگ بو خبرنی تصدیق‌لب سلام‌وطندارگه ایتیشیچه، بوگون “دوشنبه” ایرته‌لب ساعت ۶:۳۰ ده کابلدن بامیان تامان باره‌دیگن بیر موتر چاریکار-جبل‌السراج قتناو یولی‌ده پارتله‌گن و نتیجه‌ده ۲ کیشی هلاک و باشقه ۸ کیشی یره‌لنگن.
جناب هاشمی نینگ گواه‌لردن نقل قیلیب ایتیشیچه، اوشبو واقعه‌ده بیر عیال و ایکی باله دینگیزگه توشیب آق‌گن.
زابل ده ترافیکی بیر حادثه‌ده ۱۴ کیشی جان بیرگن
زابل‌ده بمب جایلشتیریلگن موتر پارتله‌گنی باعث ۲ کیشی هلاک و ۱۳ کیشی یره‌لنگن
پروانده یوز بیرگن بیر پارتلش عاقبتیده، امنیتی کوچلردن ۵ ته‌سی هلاک ایتیلگن
عین‌حالده، پروان ملکی کسلخانه‌سی باش طبیبی عبدالخلیل حیدری نینگ ایتیشیچه، واقعه یوز بیرگن محلدن ۲ جسد و ۸ یره‌دار کیشی اوشبو کسلخانه‌گه انتقال بیریلگن.
پروان پولیس قومندانلیگی خوفسیزلیک بولیمی آمری عبدالواسح رحیمی نینگ ایتیشیچه، بیرینچی پارتلشدن سونگ، مذکور محلده ایکینچی پارتلش یوز بیرگن، لیکن هیچ‌کیم زیان کورمه‌گن.
بیراق، پروان ملکی کسلخانه‌سی نینگ باش طبیبی‌گه کوره، ایکینچی پارتلشدن هم ۵ یره‌دار کیشی کسلخانه‌گه انتقال بیریلگن.
حاضرگه‌قدر هیچ‌بیر گروه یا-ده کیشی بو واقعه‌لر مسوولیتی‌نی بوینیگه آلمه‌گن.