غور ولایتی کسلخانهسینینگ قیزهمیق کسللیکلریگه مخصوص مراقبتلر بولیمیده، هر کونی عایلهلردن قطاری قیزهمیققه چلینگن بالهلرینینگ ساغهیشینی کوتیب تورگن.
اوچ کون آلدین بالهسینی مذکور کسلخانه گه بستر قیلگن آنهلردن بیری، غور ولایتی اللهیار تومنی یشاوچیسی بولمیش گلچهرهنینگ ایتیشیچه: «اوچ کیچه ایسیتمهسی بار ایدی. تنیگه قیزیل قیزیل دانهلر چیققن ایدی. اویده دوالش ایستهدیک، بیراق شفاکارلر اویده دوالش بولمهیدی دیب و کسلخانه گه آلیب باریشیمیزنی ایستهدیلر. حاضر باش کونلرگه قرهگنده وضعیتی یخشیراق بولگن.»
بو کسلخانهده، نه فقط گلچهره بالهسینینگ ساغهیشینی کوتیب تورمهگن، بلکیم غور ولایتیده بالهلر آرهسیده قیزهمیق کسللیگیگه چلینیشی کوپهیگنی سبب، باشقه بیر قطار عایله هم کسلخانهده کسل فرزندلرینینگ بستری یانیده کیچهوکوندوزلرینی اوتکزماقدهلر.
بیزلرنینگ فیسبوک صحیفهمیزگه باش اورینگ!
قیزهمیققه چلینگن بالهلردن باشقه بیرتهسینینگ آنهسی ۲۷ یاشر خاطره گه کوره، بالهسی باشده ایستمه قیلیب و اوندن کیین وضعیتی یامانلنگنی باعث کسلخانه گه بستر قیلگنلر. «قیزهمیق چیقرگن. اوچ کون قیشلاقده ایدیک و کوپ ایغلهر ایدی. اوتگن کوندن بیری وضعیتی یخشیراق بولگن. شفاکارلر کیلیب درو بیرهدیلر و بوگون ایرتنگ چاغی اونینگ قیزهمیق چیقرگنینی و قیزهمیق کسللیکلری بولیمیگه آلیب باریشیمیزنی ایتدیلر.»
شوندهی بیرحالده، غور ولایتی کسلخانهسی مسئوللرینینگ ایتیشلریچه، اوتگن قویاش ییل باش اوچ آییگه نسبت جاری ییل باش اوچ آیده، قیزهمیق کسللیگیگه چیلینیشی کوپهیگن. غور ولایتی کسلخانهسی باش شفاکاری عبدالقدیر پارسانینگ ایتیشیچه: «اوتگن قویاش ییل باش اوچ آیده ۲۱۸ باله قیزهمیققه چلینگن ایدی و ییل بویی ۷۷۰ قیزهمیق واقعهمیز بار ایدی و تورت باله اولگن ایدی. بو ییل ایسه باش اوچ آیده قیزهمیققه چلینگن ۳۱۸ باله بستری بولیب و ایکی باله اولگن.»
شفاکارلر بو ولایتده بالهلرنینگ قیزهمیققه چلینیش واقعهلری کوپهیگنیدن خواطر بیلدیریب و ایتیشلریچه، قیزهمیق یوقمه و خوفلی بولیب، وقتیده تشخیص و دوالنمهگنی صورتده، مغز و ششلرگه زیان ییتیشیشی، توییب آوقتلنمسلیک و حتا بالهنینگ اولیمیگه سبب بوله آلهدی.
غور ولایتی کسلخانهسینینگ بالهلر کسللیکلری بولیمی شفاکاری فضلالحق فرجاد گه کوره: «قیزهمیق کوپینچه قیینچیلیککه سبب بوله آلهدی. قیزهمیق دوالنمهگنی و جدی آلینمهگنی صورتده، قولاق قیینچیلیگی، سینهبغل، مغز گه زیان ییتیشیشی و ایچ کیتمهگه سبب بوله آلهدی و بو قیینچیلیکلرنینگ وقتیده آلدی آلینیشی کیرهک.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، غور ساغلیقنی سقلش ریاستیده مسئوللرنینگ ایتیشلریچه، مذکور ریاست همکار نهادلر یاردمی بیلن ساغلیق تیملرینی، قیزهمیققه چلینیش واقعهلری کوپهیگن منطقهلرگه یوبارگنلر.
غور ساغلیقنی سقلش باشلیغی عبدالواحد حماسنینگ ایتیشیچه: «بیزلرگه ییتیشگن رقملر گه کوره، قیزهمیق کوپراق کلینیک بولمهگن جایلرگه ترقهلگن و وقتیده سعیوحرکت بولگن و تیمیمیز هم ساحه گه بارگن. او منطقهلرگه واکسین یوباریلیب و کنترولگه آلینگن. بیلهسیزلر که سونگی ایکی-اوچ ییلده قیزهمیق کمپاینی بولمهگن و یقینده انشاءالله غور بویلب قیزهمیققه چلینیش کمپاینی عملگه آشیریلیشیگه شاهد بولهسیزلر و بو خواطرلنتیرووچی بیر نرسه ایمس.»
غور ساغلیقنی سقلش مسئوللر تاکیدلب و ایتیشلریچه، قیزهمیق کسللیگی آلدی آلینیشی اوچون اینگ فایدهلی یول، بالهلرنینگ وقتیده منظم شکلده قیزهمیققه قرشی ایملنیشی دیر. اولرنینگ توصیه قیلیشیچه، بالهلرده ایسیتمه، یوتل و جلدی دانهلر کبی دستلبکی علایملر کوریلگنی صورتده، کسللیکنینگ کوچهیشی و خوفلی قیینچیلیکلر چیقیشی آلدی آلینیشی اوچون، عایلهلر بالهلرینی ساغلیق مرکزلرگه آلیب باریشلری کیرهک.
