سرپل ولایتی بلخاب تومنیده‌گی منبع، کیم‌لیگی سِر قالیش شرطی بیلن سلام‌وطندار گه ایتیشیچه، اسلامی امارت کوچلری اوشبو تومن ده هزاره‌تبار قوماندان مهدی مجاهد گه قرشی، هوایی هجوم اویوشتیرگن.
منبع نینگ ایتیشیچه، اوتگن کونی (جمعه، ۳ سرطان) مهدی مجاهد نینگ تورر اویی و بلخاب تومنی نینگ ایریم قسم‌لریده هوایی هجوم اویوشتیریلگن، بیراق تلفاتی خصوصیده حاضرگه قدر معلومات بیریلمه‌گن.
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، مهدی مجاهد هوا هجومی اوشتیریلیشی چاغیده اویی ده ایمس ایکن. سرپل امنیتی و محلی مسئوللری، بوتوغریده حاضرگچه هیچ نرسه دیمه‌گنلر.
منبع نینگ معلوماتی اساسیده، اسلامی امارت کوچلری، استشهادی و قطعه سرخ شامل کوچلرنی، سرپل ولایتیده ییرلشتیرگن.
اسلامی امارت کوچلری و مهدی مجاهد قوریقچیلری ارا توقنشوو، نیچه دور مذاکره‌لر نتیجه‌سیز قالگنیدن کیین، اوتگن هفته پنج‌شنبه کونی باشلندی.
بیزلرنینگ توییترده هم تعقیب قیلینگ!
منبع‌لر اوتگن کونی، اسلامی امارت ارتش ستاد باشلیغی فصیح‌الدین فطرت و هرات ده الفاروق ۲۰۷ قول اردو قوماندانی محمدظریف بیلن، خوفسیزلیک وضعیتنی یقیندن کوزه‌تیش مقصدیده، سرپل ولایتی گه سفر قیلگن ایدیلر.
