افغانستان هواشناس‌لیک ریاستی، بوگون (چهارشنبه، ۲۸ سرطان)، بیر بیانیه ترقه‌تیب، مملکت نینگ ۸ ولایتیده احتمالی کوچلی یامغیر، سوو تاشقینی و بوران یوز بیریشیدن آگاه‌لنتیرگن.
مذکور ریاست گه کوره، اوشبو آی نینگ ۲۹ و ۳۰_کونلریده نورستان، کنر، لغمان، ننگرهار، لوگر، پکتیا، خوست و پکتیکا ولایت‌لریده کوچلی یامغیر، سوو تاشقینی و بوران یوز بیریشینی معلوم قیلگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور اداره، تورلی منطقه‌لرده یامغیر یاغیش میزانینی ۱۰ دن ۳۰ ملی متر پیش‌بینلیک قیلگن.
شو بیلن بیرگه، هواشناس‌لیک ریاستی، شمال، شمال‌غرب، غرب، جنوب‌غرب و مملکت نینگ مرکزی ولایت‌لریده احتمالی کوچلی چنگ و توپه‌لنگ بیلن بوران یوز بیریشینی معلوم قیلگن.
بوران تیزلیگی بیر ساعت ده ۲۰ دن ۸۰ کیلومتر پیش‌بینلیک بولگن.
بیزلرنینگ توییترده هم تعقیب قیلینگ!
بوندن آلدین، مذکور ریاست مملکت نینگ قطار ولایت‌لریده کوچلی چنگ و توپه‌لنگ یوز بیریشیدن خبر بیرگن ایدی.
