کابل ده چاپ‌خانه‌دارلر نینگ ایتیش‌لریچه، چاپخانهلر نینگ قمرو گه آلینگنی، تشقی ممکلت‌لرده کتاب‌لر نینگ چاپ قیلینیشی و حکومت نینگ توجه‌سیزلیگی باعث، اوشبو بولیم کساد‌لیککه دوچ کیلگن.
کابل شهریده چاپ‌خانه‌‌دارلردن بیری شاکر صفدری نینگ ایتیشیچه، اوتگن نیچه آی جریانیده چاپ‌خانه‌سیده کمیده ۸ ایشلاوچیسی بار ایکن، بیراق اقتصادی قیین‌چیلیک‌لر و چاپ‌خانه بازاریده ایش یوقلیگی باعث، بوتون ایشلاوچیلری نی ایش‌دن چیقه‌ریب و حاضر ایسه فعالیتی کساد‌لیککه قرار تاپگن.
بیزلرنینگ توییترده هم تعقیب قیلینگ!
افغانستان چاپخانهلر بیرلشمه‌سی نینگ ایتیشیچه، مملکتده بیر یا-ده ایکی چاپخانه‌دن باشقه بوتون چاپخانهلر کساد‌لیکده قرار تاپگن.
اوشبو بیرلشمه مسئوللری نینگ کوپه‌یتیریش‌لریچه، سونگی آیلرده ممکلت‌ده چاپخانهلر فعالیتی توخته‌گن و مذکور بولیم‌ده مینگ‌لرچه کیشی ایسه ایش‌سیز قالگن.
افغانستان چاپخانهلر بیرلشمه اورین‌باسری محمد‌شاکر صمیمی نینگ ایتیشیچه، چاپ‌خانه بازاریده کسادلیک دلیلی اقتصادی قیین‌چیلیک، حکومت نینگ توجه‌سیزلیگی، چاپخانهلر نینگ قمرو گه آلینگنی، تشقی مملکت‌لرده کتاب‌لر نینگ چاپ قیلینیشی و دستلبکی ماده‌لر وارداتی برابریده‌گی قیین‌چیلیک دیر.
اونینگ کوپه‌یتیریشیچه، مذکور قیین‌چیلیک‌لر نینگ حل قیلینیشی اوچون نیچه مرته دولتی تشکیلات‌لر گه مراجعه قیلگنلر، بیراق قیین‌چیلیک‌لری نینگ حل قلینیشی اوچون هیچ قنده‌ی اقدام صورت تاپمه‌گن.
بیزلرنینگ فیسبوک صحیفه‌میزگه باش اورینگ!
سابق حکومت نینگ سون کون‌لریده کابل شهریده صورت تاپگن تیکشیریشلر اساسیده، کابل چاپ‌خانه‌لری کونده ۵۵۰۰۰۰ جلد کتاب نینگ چاپ قیلیش گه ظرفیتی بار.
چاپخانهلر نینگ کساد‌دن قوتقریلیشی اوچون اسلامی امارت فکری نی آلیش ایسته‌دیک، بیراق موفق بولمه‌دیک.
