ساعت ۱۲:۰۰ توش وقتی، هوا هم جوده ایسیق؛ بیراق هوانینگ ایسیقلیگی سیما اوچون درد و قیینچیلیکلریدن کوپ ایمس. یوزیدن یریمینی ماسک بیلن یاپگنی بیرحالده، پیشانیسیگه توشگن اجینلر بیللی و رنگی اوچیب کیتگن کییم، اونینگ حیاتیدهگی قیینچیلیکلرنی بیان قیلهدی.
سیما، کابل شهریده بولانی پیشیریب ساتهدی. اوشبو عیالنینگ ایتیشیچه، بو ایش بیلن عایلهسیگه بیر لقمه نان پولینی تامینلهیدی. «بیر کونده بعضا ۲۵۰-۳۰۰ افغانی قالهدی، بیراق بعضا ایسه شونچه هم قولگه کیلتیره آلمهیمن.»
بیزلرنینگ «ایکس» ترماغی ده هم تعقیب قیلینگ!
سیما، بولانی ساتیش امیدی بیلن یشاوچیلرنینگ اوتیب قیتیشی و بیر قطار سیس-شاوقین آرهسیده، توریب توختهگن. بیر عیال اوچون کابل سرکلریده ایشلش آسان بیر ایش بولمهگنی بیلن بیراق ۴۵ یاشر سیما، ایکی فرزند آنهسی بولگنی و کیچهلر اولرنینگ آچ قرین بیلن اوخلهمسلیگی اوچون ایرتنگدن آخشمگچه سعیوحرکت قیلهدی. بولانی خمیرینی تیارقیلیش جریانیده سیمانینگ ایتیشیچه: «ایکی ییتیم بالهم بار، اولرنینگ قیینچیلیکلرینی حل قیلیشگه مجبورمین.»
او بولانی ساتیشنینگ اوزی اوچون یالغیز درآمد یولی بیلیب و کوپهیتیریشیچه: «مزارشریف دهگی دوستلردن بیری کراچی ساتیب آلیشیم اوچون یاردم بیردی. شونینگدیک ۶۰ مینگ افغانیگه کیرهک بولگن مادهلر و نرسهلرنی هم ساتیب آلدی و مینگه تاپشیردی.»
سیما، ۱۸ ییل آلدین تورموش اورتاغینی سرطان کسللیگی طفیلی قولدن بیریب و اوشه پیتدن بویان، کوپینچه قیینچیلیک بیلن روپهره بولگن که، بو قیینچیلیکلرنی چیدهش بعضا اونینگ اوچون کوپ قیین بولهدی. اونینگ بو توغریده ایتیشیچه: «بو دردنی چیدهش کوپ قیین دیر و هر کیم هم چیده آلمهیدی. خداوند مهربان و امید قیلهمن که بو قیینچیلیکلرنی اوتکزه آلسم.»
او، ایکی ییلدن بیری کابل شهریده بولانی پیشیریب و حیاتنینگ قیینچیلیکلری برابریده یالغیز مبارزه قیلهدی. سیما گه کوره، بو قیینچیلیکلر برابریده توختهشیگه سبب بولگن یالغیز نرسه، اونینگ آنهلیک مسئولیتی دیر. «آتهلری بولسه ایدی، کوپ امیدلریم بار ایدی که بالهلریمنی یخشی بیر شکلده ییتیشتیره آلسم دیب، بیراق بولمهدی. اولر اوچون بو قیینچیلیکلرنی چیدهیمن و اولرگه هم آته و هم آنه بولیش اوچون تلاش قیلهمن.»
بیزلرنینگ فیسبوک صحیفهمیزگه باش اورینگ!
سونگی کونلر اقتصادی قیینچیلیکلر، افغانستانلیک عایلهلردن کوپ قطارینینگ حیاتینی قیینلشتیرگن که سیما، مملکتده اقتصادی قیینچیلیکلر بیلن روپهره بولگن کیشیلردن بیرتهسی دیر.
او، کرایی بیر اویده حیات کیچیریب و هر آی اوی اجارهسی اوچون بیش مینگ افغانی تولش گه مجبور دیر. سیما اوی کرایهسینینگ تولدیره آلیشی توغریسیدهگی خواطرلرینینی بیان قیلیب و ایتیشیچه: «اوزیم بو ییرده، بیراق فکریم اویگه. هر دقیقه اوی ایگهسینینگ اویگه باریب ایشیکنی تقیللتیشیدن قورقهمن. بو اوزی بیر کته قیینچیلیک که اوی کرایهسینی تولدیره آلمهیمن همده باشقه اویگه هم باره آلمهیمن.»
گرچند قشاقلیک سیما اوچون حیاتنی قیینلشتیریب و بعضا اولرنی چیدهش اونینگ اوچون جودهیم قیین بولسهده، بیراق سیما هیچ قچان تسلیم بولمهگنینی بیان قیلهدی. او برچه کوچ و امید بیلن، بیر کونی بالهلری یانیده حیاتنینگ خوش یوزینی کوریش اوچون بو قیینچیلیکلرگه قرشی توختهیدی.
