جراحلیک عملیدن کیین قیزلیک دن ایرکک اثباتلنگن عبدالله نینگ ایتیشیچه، داکتر ایرکک بولگنینی ایتگندن کیین، جوده هم خورسند بولگن.
او لوگر ولایتی محمدآغه تومنی «دهنو» یشاوچیسی دیر ۱۲ ییل قیزلر مکتبی ده درس اوقیگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه، ایرکک اثباتلنگندن کیین شهناز اورنیده اسمینی عبدالله قویگن و حاضر عایلهسی نینگ ضعیف اقتصادینی کوچلنتیریب و تحصیلاتینی بیتیرگندن سونگ، اوز علاقهسی بیلن تورموش قوریشنی ایستهیدی.
عبدالله گه کوره، ایکی ییل آلدین قیز نشانهلری بدنیده آزلیگینی سیزگن و کسلخانه گه مراجعت قیلیب و جراحلیک عملیات دن کیین ایرککلیگی اثباتلنگن.
عبدالله نینگ ایتیشیچه، ۱۶ ییل عیال کییمی کیگن و ایرککلیک رویاسی حقیقت بولگندن سونگ، او و عایله اعضالری جوده هم خورسند بولیشگن.
بیزلرنینگ توییترده هم تعقیب قیلینگ!
اونی بابهسی محمدهاشم نینگ سلاموطندار گه ایتیشیچه، عایلهسی نینگ اقتصادی ضعیف و شهناز نینگ عملیاتی قوشنیلری و باشقه قطار کیشیلر نینگ مالیهوی همکارلیگی بیلن صورت تاپگن.
عبدالله نینگ ابهسی محمداسماعیل گه کوره، ایرککلر گه عاید برچه قانون_قاعدهلرنی رعایت قیلیش برادر زادهسی اوچون بیر آز قیین بولیشی ممکن.
بیرینچی مراتبه ایمس که لوگرده ۱۶ یاشر بیر قیز جراحلیک عملیدن کیین ایرکک اثباتلنگن بولسه، بوندن آلدین کنر و ننگرهارده بو کبی واقعه یوز بیرگن ایدی.