لوگر معارف وزیرلیگی سوزلاوچیسی شاهپور عرب نینگ سلام‌وطندار گه ایتیشیچه، لوگر ولایتی مرکزی پل‌علم شامل اوشبو ولایت نینگ ۶ تومنی‌ده ۱۰۰ مکتب بناسیز دیر که مذکور ایش اوقووچیلردن قطاری نینگ قیین‌چیلیک بیلن روپه‌ره قیلگن.
اونگه کوره، مذکور مکتب‌لر اوچون بنا یوقلیگی اوقووچیلر نینگ تعلیم پروسه‌سی گه سلبی تاثیر قوییگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، سابق حکومت‌ده بیر قطار مکتب بناسی نینگ ایشی بودیجه یوقلیگی سبب، یَریم قالگن دیر.
جناب عرب نینگ ایتیشیچه: «لوگر ده ۳۱۰ ته تعلیمی مرکزدن ۲۷۵ ته مکتب دیر که بو آره‌ده ۱۰۰ مکتب نینگ بناسی یوق. اوشبو مسئله اوقووچیلر و اوقیتووچیلر نی قیین‌چیلیک‌لر بیلن روپه‌ره قیلگن.»
بناسیز مکتب‌لر اوقووچیلری نینگ سلام‌وطندار گه ایتیش‌لریچه، خیمه‌لرده درس اوقه‌دیگن اوقووچیلر، کوپینچه وقت ایسیق‌لیک و یامغیرلر سبب، مکتب گه حاضر بوله آلمه‌دیلر.
اولر نینگ ایتیش‌لریچه، اوشبو مکتب‌لر گه بنا توزه‌تیلشی خصوصیده نیچه مرته سوز بیریلگن، بیراق حاضرگچه هیچ بیر اقدام صورت تاپمه‌گن.
بیزلرنینگ توییترده هم تعقیب قیلینگ!
لوگر ولایتی ده‌گی اوقووچیلریدن بسم‌الله نینگ ایتیشیچه: «مکتبی‌میزده بناسی یوق، اوقووچیلر خیمه‌ده درس اوقیدیلر و ایسیق‌لیک، ساووق‌لیک و بوران سبب، اوقووچیلردن کوپ قطاری مکتب گه کیله‌آلمه‌یدی.»
