لوگر امنیه قوماندان‌لیگی رسمی‌لری، اوشبو ولایت مرکزی پل‌علم شهری حدودلری و چرخ تومنیده علحیده ایکی واقعه ده بیر عیال شامل اوچ کیشی هلاک بولگنینی تصدیقله‌گنلر.
لوگر امنیه قوماندان‌لیگی سوزلاوچیسی احمدالله انس نینگ سلام‌وطندار گه ایتیشیچه، دستلبکی واقعه چرخ تومنی «دبر» منطقه‌سیده عایله‌وی زوروانلیک طفیلی یوز بیریب، بیر عیال و باشقه بیر ایرکک کیشی نینگ اولیمی گه سبب بولگن.
بیزلرنینگ فیسبوک صحیفه‌میزگه باش اورینگ!
لوگر امنیه قوماندان‌لیگی سوزلاوچیسی نینگ کوپه‌یتیریشیچه، ایکینچی واقعه مذکور ولایت مرکزی پل‌علم شهری گه قره‌شلی «بابوس» منطقه‌سیده ایچکی جنجل طفیلی یوز بیریب و بیر کیشی نینگ اولیمی گه سبب بولگن.
انس جنابلری گه کوره، اسلام امیرلیگی خوفسیزلیک کوچلری ایکیله واقعه محلی گه ییتیب باریب و حادثه گه دایر بیش کیشینی قولگه آلگنلر.
لوگر امنیه قوماندان‌لیگی سوزلاوچیسی گه کوره، حبس گه آلینگن‌لر آره‌سیده اوچ قاتل و ایکی همکارلری شامل دیر. او نینگ ایتیشیچه، قولگه آلینگن‌لر تیرگاو بولماقده و حجت‌لری تیزلیک ده عدلی و قضایی نهادلر گه تاپشیریله‌دی.
بیزلرنینگ توییترده هم تعقیب قیلینگ!
بوندن آلدین، لوگر و مملکت نینگ باشقه بیر قطار ولایت‌لریده بو کبی واقعه‌لر یوز بیریب و یشاوچیلر نینگ اولیب و یره‌لنیشیگه سبب بولگن.
