لوگر ولایتی یشاوچیلریدن قطارینینگ ایتیشلریچه، ستندرد ساغلیق خذمتلر بیلن صفتلی دارو گه قول تاپه آلمهیدیلر.
لوگر ولایتی خروار تومنی یشاوچیلریدن بیری بسماللهنینگ سلاموطندار گه ایتیشیچه، اوشبو تومنده ستندرد دوالنیش مرکز یوقلیگی سبب، کسللرینی دوالنیش اوچون وقتیده لوگر مرکزی پلعلم شهریگه انتقال بیره آلمهیدیلر.
اونینگ کوپهیتیریشیچه، یوللر بوزوقلیگی سبب کوپینچه پیت کسل عیاللردن قطاری تومندن مذکور ولایت مرکزی پلعلم شهریگه انتقال بیریلیشی چاغیده جان بیرگن. «تومنیمیزده ساغلیق خذمتلر توغریسیده قیینچیلیکلریمیز کوپهیگن. یوللر بوزوق، ستندرد کسلخانه یوق و تومنیمیز هم مرکزدن اوزاق بولیب و کسللر یولده جان بیرهدی. یشاوچیلر کوپینچه قیینچیلیک بیلن روپهره بولگن و امید قیلهمیز که بو قیینچیلیکلر حل بولسه.»
بیزلرنینگ «ایکس» ترماغی ده هم تعقیب قیلینگ!
لوگر مرکزی پلعلم شهریدهگی کسللردن قطارینینگ ایتیشلریچه، کورستیلهدیگن ساغلیق خذمتلر ییترلی بولمهی و پلعلم شهریگه علاوه اوشبو ولایتنینگ برچه تومنلریده ستندرد دوالنیش خذمتلر گه قول تاپیش زمینهسی یرهتیلیشی کیرهک.
شونینگدیک اولر لوگر ده کسللر گه صفتسیز دارولر بیریلیشینی بیان قیلیب و صفتسیز دارولر ساتیلیشی آلدی آلینیشینی ایستهگنلر.
بو توغریده پل علم شهریده دوالنیش مرکزلردن بیریگه بارگن کسللردن روحالله، دارولر صفتسیزلیگی و قیمتلری یوقارلیگیدن نالیب و ایتیشیچه: «دارو بولیمیده کوپینچه تغییر کیلگن. صفتی قویی و قیمتی یوقاری کیتگن. بیر بسته تابلیتنی پاکستان دن ۵۰ کلدار ساتیب آلدیم و بو ییره هم اوشه دارو نی ۵۰ افغانیگه ساتهدیلر.»
شونینگدیک کسللردن باشقه بیری همیشهگل هم دارولر قیمتی یوقارلیگیدن نالیب، دارولر قیمتی بیلن تاریخی کنترول بولیشینی ایستهگن. «هر قندهی دارو نی ایتسهلر، ساتیب آلیشگه مجبورمیز. ساتیب آلگنیم دارو ۳۰۰۰ افغانی بولدی. دارو قیمتلری یوقاری کیتگن و دولت دارو قیمتی بیلن تاریخی نی کنترول قیلسین.»
شونینگدیک مذکور ولایت مرکزی کسلخانهسیده بستری بولگن لوگر یشاوچیلریدن عصمتاللهگه کوره، بو ولایتدهگی دوالنیش مرکزلر کسللر اوچون ییترلی بولمهی و دوالنیش مرکزلر سانینینگ کوپهیشی و شونینگدیک تیکین شکلده کسللر اختیاریگه دارولر قرار تاپیشی کیرهک.
بیزلرنینگ فیسبوک صحیفهمیزگه باش اورینگ!
شوندهی بیرحالده، لوگر ساغلیقنی سقلش ریاستینینگ ییتکرمهلر مسئولی فهیمالله لودیننینگ ایتیشیچه، اوتگن ییللر گه قرهگنده دوالنیش خذمتلر کورستیلیشی کوپهیگن و اهالی ایستهگی اساسیده بو ولایتنینگ اوزاق بولیملریگه هم دوالنیش خذمتلر کورستیلیشی اوچون سعیوحرکت بولماقده.
جناب لودیننینگ کوپهیتیریشیچه، اوتگن اوچ ییلده بیر قطار عایلهلر و همکار نهادلر یاردمی بیلن لوگرنینگ پلعلم شهری و اوزاق تومنلریده ۴۷ دوالنیش مرکز آچیلیب و کونده مینگلرچه کسلگه دوالنیش خذمت کورستیلهدی. «لوگر ساغلیقنی سقلش ریاستی پلعلم شهری و برچه تومنلر گه ساغلیق خذمتلرنی کورستیشگه متعهد دیر. اسلام امیرلیگینینگ قدرت گه ایریشگنیدن بویان قریب ۴۷ ساغلیق مرکز آچیلگن و کونده بیر مینگ کسلخانه گه ساغلیق خذمتلر کورستیلهدی. شونینگدیک اوتگن بیر ییلده بیر قطار ساغلیق مرکزلر گه ینگی بنالر هم قوریلگن.»
بوندن آلدین هم لوگرنینگ اوزاق بولیملری یشاوچیلری بو ولایتده عیال شفاکارلر کملیگی، عیاللرنینگ دوالنیش خذمتلردن فایدهلنیشینی قیینچیلیک بیلن روپهره قیلگنینی بیان قیلگنلر.
