اسلامی امارت سوزلاوچیسی ذبیح‌الله مجاهد اوتگن کیچه (دوشنبه، ۱۸-میزان) کیچ قورون بیر خبرنامه ترقه‌تیش بیلن ایتگن که، اسلامی امارت رهبری هبت‌الله آخوندزاده مملکت ۳۴ ولایتی نینگ استخبارات عمومی ریاست مسئوللری و استخبارات رئیس‌لری بیلن اوچره‌شگن دیر.
خبرنامه‌ده کیلگن که، اوشبو ییغین‌ده اسلامی امارت قاضی‌القضاتی مولوی عبدالحکیم، ایش اداره‌سی سرپرستی نورالحق انور هم حضوری بار ایکن.
اسلامی امارت رهبری هبت‌الله آخوندزاده ۳۴ ولایت نینگ استخبارات رئیس‌لری گه، عیاللر حقیده‌گی اونینگ آلتی ماده‌لیک فرمانی نی بوتونلی شکلده تطبیق بولیشی خصوصیده بویروغ بیرگن دیر. اسلامی امارت رهبری ایتگن که، شریعت تطبیق بولیشی خصوصیده خاص توجه بولیشی کیره‌ک.
بیزلرنینگ توییترده هم تعقیب قیلینگ!
هبت‌الله آخوندزاده کوپه‌یتیرگن که، اسلامی امارت نینگ برچه مسئوللری بیر ییل‌ده شریعت نینگ قنچه تطبیق قیلگن‌لری خصوصیده حساب بیره‌دیلر. او عیاللر حقوقی حقیده آلتی ماده‌لیک بویروغی نینگ بوتونلی شکلده تطبیق بولیشی گه تاکید قیلگن دیر.
هبت‌الله آخوندزاده نینگ اوشبو بویروغی اوتگن ییل قوس آی‌ده ترقه‌تیلگن ایدی و اونینگ ماده‌لریدن قطاری نکاح، توی قیلیش و عیاللر مهری حقیده ایدی. مذکور بویروغ اساسیده، عیال مال ایمس، بلکیم «آزاد و اصیل بیر انسان» دیر.
اسلامی امارت رهبری نینگ بویروغی نینگ ماده‌لریدن بیریده، نکاح چاغیده بالغ قیزلر نینگ رضایتی ضروری دیر.
مذکور بویروغ نینگ اوچینچی ماده‌سیده کیلگن که، تورموش اورتاغ نینگ اولیشیدن کیین، شرعی عدت (حمل یا-ده تورت آی و اون کون) اوتگنی‌ده صورتده، بیوه عیال نی نه تورموش اورتاغی نینگ ایناغه‌سی زور بیلن نکاح گه آلاله‌دی و نه باشقه کیشی.
شونینگدیک، اسلامی امارت رهبری نینگ اوشبو بویروغی‌ده، ینگی تورموش اورتاغ‌دن مهر آلیش عیال نینگ شرعی حقی دیلگن.
بیزلرنینگ فیسبوک صحیفه‌میزگه باش اورینگ!
عین حالده، اسلامی امارت قیته قدرت گه ایریشگنیدن کیین، عیال‌لردن قطاری نی ایش و آلتینچی صنف‌دن یوقاری قیز اوقووچیلر نی تعلیم‌دن محروم قیلگن دیر.
شونده‌ی بیرحالده، هبت‌الله آخوندزاده ولایت‌لرده‌گی استخبارات رئیس‌لری نی اوچره‌شگنی‌ده ایتگن که، اوشبو نهاد اسلامی امارت نینگ استخباراتی گه تیگیشلی دیر و انه‌شوو ییردن هم دستور آله‌دی. اونینگ کوپه‌یتیریشیچه، اسلامی امارت استخبارتی «دشمن نینگ شوم» پلان‌لری نی کشف و خنثا قیله‌دی.
اسلامی امارت رهبری استخبارات رئیس‌لری گه، مشکوک کیشی‌لر نینگ حبس گه آلمه‌ی؛ بلکیم آدم‌لر نی موثق دلیل‌لر بیلن قولگه آلیب و محکمه گه تاپشیریلیشی خصوصیده بویروغ بیرگن.
