اسلامی امارت اقتصاد وزیرلیگی نینگ مسلکی معینی عبداللطیف نظری بامیان گه قیلگن سفری‌ده، بوگون بامیان‌ده اوتکزیلگن احتفالده اوشبو ولایت نینگ ۳۰۰دن آرتیق یشاوچیلری آره سیده نطق سوزلب، اولردن مملکت نینگ حاضرگی تیزیمی (افغانستان اسلامی امارت) بیلن تعامل قیلیب و اوشبو تیزیم گه قرشی تورمسلیک‌لرینی طلب قیلدی.
جناب نظری سوزلری دوامیده، اسلامی امارت گه قرشی‌لیک‌نی مملکت‌ده اوروش و زوروانلیک‌نی قوللب قوتلش عنوان قیلیب ایتیشیچه: «اسلامی امارت بیلن قرشی لیک قیلیشگه ترغیب قیله دیگن‌لر، پوپولیست (عوام فریب) سیمالر دیر که چیت ایل‌ده بولیب و سان‌لری آز دیر.»
اسلامی امارت اقتصاد وزیرلیگی نینگ مسلکی معینی گه کوره، هزاره وطنداش‌لریمیز حاضرگی سیاسی تیزیم بیلن تعامل قیلیش‌لری کیره‌ک؛ چونکه جناب نظری نینگ ایشانچی گه کوره، بو ایش مملکت بحرانی و ویران گرچیلیگینی آلدینی آله‌دی.
اوشبو احتفالده اسلامی امارت اقتصاد وزیرلیگی نینگ مسلکی معینی، آمریکا جمهور باشلیغی جوبایدن تامانیدن افغانستان مرکزی بانکی نینگ سرمایه‌لریدن ۳.۵ میلیارد دالری، ۱۱ سپتامبر هجومی قربانی‌لری نینگ عایله‌لری گه اختصاص بیریلیشی گه عکس‌العمل کورسه‌تیب ایتیشیچه، جناب بایدن نینگ بو قراری عدالت سیزلیک و خلق‌ارا قانون قاعده‌لرگه قرشی دیر.
بیزلرنینگ فیسبوک صحیفه‌میزگه باش اورینگ!
او نینگ اورغولشیچه، آمریکا جمهوررئیسی تامانیدن ۱۱ سپتامبر قربانی‌لری نینگ عایله‌لری گه تاوان اوله‌راق توللنیشی قرار قیلینگن پول، افغانستان خلقی نینگ سرمایه‌سی دیر و هیچ بیر افغانستان یشاوچیسی ۱۱ سپتامبر، دنیا تجارتی برج‌لری و آمریکا مدافعه وزیرلیگی اوستیده‌گی هجوم‌لرده حضوری بولمه‌گن.
اوشو همایش‌ده بامیان حاکمی عبدالله سرحدی نینگ ایتیشیچه، اسلامی امارت تیزیمی‌ده هیچ قنده‌ی تبعیض و تعصب یوق و اسلامی امارت مملکت بوتون خلقی گه برابر خذمت قیلیش اوچون سعی-حرکت قیلماقده.
مذکور احتفالده، بامیان مرکزی دین عالمی و آق‌سقال‌لریدن بولمیش محمد سجاد محسنی گه کوره، بامیان‌لیک لر (تعامل طلب) خلق دیر. بیراق اسلامی امارت متصدی‌لری اولر نینگ خواهش-ایسته‌گی و قیینچیلیک‌لری گه دقت قیلیش لری کیره‌ک.
مذکور دین عالمی، بامیان ولایتی بویلب انسان پرورلیک یاردم‌لر ترقه‌تیلیش جریانیدن شکات قیلیب ایتیشیچه: «ملی و خلق‌ارا انسان پرور جمغرمه‌لر تامانیدن بامیان گه کوپ یاردم ترقه‌تیلسه‌ده، لیکن بو یاردم‌لر کمبغل و محتاج عایله‌لر گه آز ییتگن و کوپراق تانیشی بولگن‌لر و بای‌لر گه ترقه‌تیلگن.»
بیزلرنینگ توییترده هم تعقیب قیلینگ!
جناب محسنی بامیان محلی رسمی لریدن، بوندن کیین انسان پرورلیک یاردم‌لر، تالان-تاراج بولمسلیگی مقصدیده ایش عوضی‌گه ترقه تیلیشینی سوره‌یدی. بیراق بامیان حاکمی عبدالله سرحدی گه کوره، یاردم بیروچی تشکیلات مسئول‌لری گه، بوندن بویان اوشبو یاردم‌لر قیشلاق‌لرده بیر دین عالمی و بیر قوم بویوکی حضوری‌ده قشاق و کمبغل‌لر گه ترقه‌تیلیش بویروغینی بیرگن.
ایتیش کیره‌ک که، سونگی کون‌لرده پاکستان حربی استخبارات تشکیلاتی «آی‌اس‌آی» باشلیغی ندیم‌احمد انجم، اسلامی امارت مخالف لریدن مارشال عبدالرشید دوستم، عطامحمد نور و محمد محقق بیلن تورکیه‌ده اوچره شیش گزارشی قولمه قول بولماقده ایکن، اقتصاد وزیرلیگی نینگ مسلکی معینی عبداللطیف نظری بامیان لیکلرنی اسلامی امارت بیلن تعامل قیلیشنی ایسته‌گن.
