کابل ده ایمرجنسی کسلخانه‌سی گه کوره، کابل شهرنو منطقه‌سیده بیر هوتل ده اویوشتیریلگن هجوم عاقبتیده اولیب و یره‌لنگن ۲۱ کیشی اوشبو کسلخانه گه انتقال بیریلگن. مذکور کسلخانه اوز توییتری ده، اوچ کیشی کسلخانه گه انتقال بیریلمسدن آلدین جان بیرگنینی یازگن. قربانی‌لر نینگ کیم‌لیگی حاضرگچه بیللی ایمس.
اسلام امیرلیگی رسمی‌لری، مذکور هجوم ده هیچ کیم هلاک بولمه‌گنینی معلوم قیلگنلر. اسلام امیرلیگی سوزلاوچیسی ذبیح‌الله مجاهد، اوتگن کون شام چاغی اوز توییتریده، کابل شهرنو منطقه‌سیده بیر هوتل ده اویوشتیریلگن هجوم، اوچ هجومچی نینگ اولدیریلیشی بیلن یکونلنگنینی یازگن.
بیزلرنینگ فیسبوک صحیفه‌میزگه باش اورینگ!
اونگه کوره، هوتل ده‌گی برچه مهمان‌لر قوتقریلگن و اوشبو هجوم ده هیچ بیر خارجی هلاک بولمه‌گن. مذکور هوتل ده چین‌لیکلر بارلیگی معلوم قیلینگن.
اسلام امیرلیگی سوزلاوچیسی نینگ کوپه‌یتیریشیچه، اوزلرینی بنا دن قویی تشله‌گن ایکی خارجی یره‌لنگن. او اوشبو چیت‌ایل‌لیکلر قیسی مملکت فقرالیگی باره‌سیده هیچ نرسه دیمه‌گن.
مذکور هجوم اوتگن کون (دوشنبه، ۲۱ قوس) توش دن کیین ساعت ۲:۳۰ اطرافی ده کابل شهرنو ده چین‌لیکلر بولگن هوتل ده اویوشتیریلگن. حادثه محلی دن نیچه پارتلش آوازی هم ایشیتیلگن.
بیزلرنینگ توییترده هم تعقیب قیلینگ!
چین شینهوای آژآنسی عینی گواه‌لردن نقل قیلیب یازیشیچه، پارتلش چین‌لیکلردن قطاری بولگن مهمانخانه یقینیده یوز بیرگن. عین‌حالده، کابل ده چین ایلچیخانه‌سی، وضعیت نی یقیندن کوزه‌یاتگنینی بیلدیرگن.
اوشبو هجوم، کابل ده چین ایلچیسی وانگ یو، اسلام امیرلیگی دن اوشبو مملکت ایلچیخانه‌سی خوفسیزلیگی خصوصیده دقتلی بولیش طلبی دن بیر کوندن کیین، یوز بیرگن.
هجوم مسئولیتینی حاضرگچه هیچ کیم یا گروه تن آلمه‌گن.