کابل شهریده دولتی مکتب‌لرده‌گی اوقووچیلردن قطاری، مکتب‌لریده اوقیتووچی کم‌لیگیدن شکایت قیلیب و ایتیش‌لریچه، اوقیتووچی کم‌لیگی سبب، درس‌لری سست‌لیک بیلن آلغه باره‌دی.
توقیزینچی صنف اوقووچیلریدن احسان‌الله نینگ سلام‌وطندار گه ایتیشیچه، مکتب‌لری اوقیتووچی کم‌لیگی بیلن روپه‌ره دیر و بیر استاد نیچه مضمون نی تدریس قیله‌دی. اونینگ کوپه‌یتیریشیچه، آلتی ساعت درس‌ده یالغیز اوچ درسی ساعت نی اوقیب و قالگن ساعت‌لرده اوقیتووچی یوقلیگی سبب، بیکارلر.
بیزلرنینگ فیسبوک صحیفه‌میزگه باش اورینگ!
اوقووچیلردن باشقه بیر قطاری نینگ ایتیشیچه، دولتی مکتب‌لرده اوقیتووچی کم‌لیگی، اوقووچیلر نینگ قیین‌چیلیک بیلن روپه‌ره قیلگن و اوقیتووچی کم‌لیگی سبب، درس اوقیش خصوصیده علاقه‌لری کمه‌یگن. اوقووچیلر اسلامی امارت‌دن اوقیتووچی کم‌لیگی خصوصیده‌گی قیین‌چیلیک نینگ حل بولیشی اوچون سعی و حرکت قیلیش‌لری نی سوره‌گنلر.
اونینچی صنف اوقووچیلریدن الیاس نینگ سلام‌وطندار گه ایتیشیچه: «مسلکی بیر اوقیتووچی‌میز یوق. اسلامی امارت‌دن دولتی مکتب‌لرده اوقیتووچی کمی‌لیگی خصوصیده‌گی قیین‌چیلیک نینگ حل بولیشی اوچون سعی و حرکت قیلیش‌لری نی ایسته‌یمیز.»
شونینگدیک اونینچی صنف اوقووچیلریدن باشقه بیری احمد نینگ ایتیشیچه: «اوقیتووچی‌میز یوق و اوقیتووچی یوقلیگی جوده‌یم قیین دیر. دولت‌دن اوقیتووچی استخدام قیلیش‌لری نی ایسته‌یمیز.»
بیزلرنینگ توییترده هم تعقیب قیلینگ!
شونده‌ی بیرحالده، معارف وزیرلیگی سوزلاوچی عزیز‌احمد ریان اوشبو قیین‌چیلیک نی قبول قیلیب و سلام‌وطندار گه ایتیشیچه، وزیرلیک رهبری مذکور قیین‌چیلیک نی حل قیلینیشی اوچون هیأت تعیین قیلگنلر. جناب ریان نینگ کوپه‌یتیریشیچه، معارف وزیرلیگی آرقه‌لی آزاد رقابت یولی‌دن اوقیتووچی استخدام بولیش پروسه‌سی باشلنگن دیر.
معیاری بنا یوقلیگی، درسی کتاب و مسلکی اوقیتووچی کم‌لیگی مملکت اوقیتووچیلری نینگ اساسی قیین‌چیلیک‌لریدن دیر. ایتیش کیره‌ک که، بوندن آلدین رئیس الوزرا ایکینچی اورین‌‌باسری عبدالسلام حنفی یولگه قوییلگن خبری بیر ییغین‌ده دولتی مکتب‌لرده ۲۰مینگ اوقیتووچی استخدام بولیشیدن خبر بیرگن ایدی.
