کابل شهری‌ده کتاب‌خانه‌لردن قطاری نینگ مسئوللری گه کوره، سونگی کون‌لر کتاب اوقیش و کتاب آلیش خصوصیده قیزیقیش کمه‌یب و جماعه‌ده مطالعه قیلیش فرهنگی آزه‌یگن.
اولر نینگ ایتیش‌لریچه، تعلیم بولیمی‌ده خاتین-قیزلر حضوری آزه‌یگنی بیلن کتاب‌خانه‌لر، مشتری‌لریدن کوپ قطاری نی قولدن بیریب و شونینگدیک قریب ۹۰ فایز کتاب ساتیش ایشی کمه‌یگن.
بیزلرنینگ فیسبوک صحیفه‌میزگه باش اورینگ!
اقرا کتاب‌خانه ایشلاوچیلریدن بیری قادر اعظمی نینگ ایتیشیچه، کتاب ساتیش بازاری کمه‌یگن و ایشلریدن قریب ۸۰ فایزی تنزل گه یوز توتگن.
جناب اعظمی نینگ کوپه‌یتیریشیچه: «کتاب وضعیتی شرایط گه تیگیشلی دیر و مشتری‌لرمیز‌دن کوپ قطاری نی خاتین-قیزلر تشکیل بیره‌دی که، اولر نینگ درس‌دن اوزاق قالیشی بیلن، کتاب گه قیزیققن‌لر سانی هم کمه‌یب و کتاب ساتیش بازاری هم ۸۰ فایز تنزل گه یوز توتگن.»
شونینگدیک کابل شهری‌ده کتاب‌خانه ایشلاوچیلری نینگ ایتیش‌لریچه، کتاب‌خانه گه مراجعه قیلووچیلر و کتاب ساتیش ایشی۹۰ فایز کمه‌یگن.
عین حالده، کابل شهری‌ده کتاب‌خانه و سعید نشریه‌لر ایشلاوچیلریدن بیری خان پناهی نینگ ایتیشیچه: «توزوم نینگ اوزگرگنی‌دن کیین، کتاب ساتووچیلیک‌لر گه مراجعه قیلووچیلر سانی کمه‌یگن. اوتگن پیتدلرده بیر کونده ۵۰ مینگ‌دن بیر لک افغانی‌گچه ساتیشیمیز بار ایدی، حاضر ایسه ۱۰ مینگ بولگن. ایش‌لریمیز‌دن یالغیز ۱۰ فایزی قالگن و ساتیشیمیز هم کم بولگن.»
شونینگدیک کابل شهری‌ده اکسوس کتاب‌خانه‌سیده‌گی ایشلاوچیلردن وایس رحمانی نینگ ایتیشیچه: «سونگی اوزگریش‌لر‌ده، کتاب اوقووچیلر سانی کمه‌یگن. کتاب‌لر نی کورماق اوچون کوپ کیشی کیله‌دی، بیراق کتاب آله‌دیگن‌لر سانی کم دیر. اوتگن پیتدلرده کتاب آلیش اوچون ۱۰۰ الی ۱۵۰ کیشی مراجعه قیله‌ر ایدی، چونکه قیزلر مکتب و بیلیم یورت گه باره‌ر ایدی.»
شونده‌ی بیرحالده، کابل نینگ شهرنوی‌ده ییگیت‌لر و مدنیتچیلر قیته کتاب اوقیش فرهنگی نی رواجلنتیریش اوچون، اوچ کون‌لیک بیر کورگزمه‌ده اوچ مینگ‌دن آرتیق کتاب نی نمایش گه قویگنلر.
اوشبو کتاب کورگزمه‌سی نی یولگه قویگنلردن بیری راحیل لوگری نینگ ایتیشیچه، مذکور ایش نی یولگه قوییش بیلن، ییگیت‌لر نی کتاب اوقیش گه تشویق خصوصیده سعی و حرکت قیلماقده.
بیزلرنینگ توییترده هم تعقیب قیلینگ!
خانم راحیل نینگ کوپه‌یتیریشیچه: «اوشبو کورگزمه اوچ کون‌گچه یولگه قوییلگن که، ادبیات، روان‌شناسلیک، علمی و فلسفه کبی تورلی بولیم‌لرده کتاب‌لر نمایش گه قوییلگن. اوشبو کورگزمه ییگیت‌لر و یاش ییگیت‌لر نی مطالعه گه تشویق قیلیشی ممکن.»
مذکور کورگزمه‌دن کوریش اوچون کیلگن طب بولیمی طلبه‌سی سمیر نینگ ایتیشیچه، کتاب اوقیش بیلن اجتماعی رفتاری‌ده ایجابی اوزگریش گه شاهد ایکن.
اونینگ کوپه‌یتیریشیچه: «کونده ایکی ساعت کتاب اوقیش اوچون تقسیم اوقات توزتگن‌مین. هر قنچه که کتاب اوقیسم ینه هم کتاب اوقیش گه قیزیقه‌من. چونکه کتاب اوقیش حیاتیم‌ده ایجابی نقشی بار.»
ایتیش کیره‌ک که، نیچه مدت‌دن بویان مملکت‌ده ییگیت‌لر نی کتاب اوقیش گه تشویق قیلیش اوچون، ولایت‌لردن قطاری‌ده کتاب خصوصیده کورگزمه‌لر یولگه قوییله‌دی.
