کابل و ولایت‌لرده پاسپورت توزیع قیلیش جریانی توخته‌تیلیشیدن تخمیناً بیش آی دن کوپ اوتماقده دیر. کابل یشاوچیلریدن قطاری پاسپورت توزیع قیلینیش جریانی توخته‌تیلیشیدن شکایت قیلیب ایتیشلریچه، پاسپورت قاره بازار ده کوپ پول عوضی گه ساتیله‌دی.
کابل یشاوچیلریدن الیاس نینگ ایتیشیچه: «پول بیرمه‌سنگ، پاسپورت بیریلمه‌یدی. او هم قاره بازار ده که نرخی نیچه برابر یوقاری دیر؛ حاضر نرخی ایکی مینگ دن اوچ مینگ دالر گه ییتگن، اهالی نینگ بو نرخ ده پاسپورت آلیش توانی یوق و پاسپورت جریانی قیته باشله‌نیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری منصور گه کوره: «رمضان آیی دن آلدین ثبت نام قیلگن ایدیک ایکی آی دن کیین نوبت ایتدی بایومتریک که باردیک جریان توخته‌تیلگن دیدیلر. کمیشن‌کارلر پاسپورت نی بیر مینگ ۷۰۰ دالر گچه ساته‌دیلر.»
شو بیلن بیرگه، ایچکی ایشلر وزیرلیگی نینگ پاسپورت عمومی ریاستی، قاره بازار ده پاسپورت ساتیلیش خبرینی رد قیلیب ایتیشیچه، بازارلرده ساتیله دیگن پاسپورت ساخته دیر.
اونگه کوره: «پاسپورت توزیع قیلینیش جریانیده شفافیت تأمینلنگن و شفافیت کوپراق تأمین ایتیلیشی مقصدیده سعی‌وحرکت قیلماقده‌میز، ساخته‌کارلر تامانیدن توزیع قیلینه‌دیگن پاسپورت ساخته دیر و اوشبو اداره ده ثبت ایمس.»
بیزلرنینگ توییترده هم تعقیب قیلینگ!
اسلام امیرلیگی حاکمیتیدن کیین، اولکه یشاوچیلری کوتیلمه‌گن درجه ده پاسپورت آلیش اوچون مراجعت قیلگن‌لر، بیراق پاسپورت توزیع قیلینیش جریانی، نیچه مراتبه توخته‌تیلگن.
