کابل یشاوچیلریدن قطاری اوی کرایه‌سی نینگ کوپه‌یگنی‌دن شکایت قیلیب ایتیشلریچه، اسلام امیر‌لیگی حاکمیتی باشیده اوی کرایه‌سی کمه‌یگن ایدی؛ بیراق حاضر ایسه اوی ایگه‌لری قیته کرایه‌لر نی کوپه‌یتیرگنلر.
کابل شهری نینگ سکیزینچی ناحیه‌سیده کرایی اوی‌لردن بیری‌ده تورموش اورتاغی و بیر باله‌سی بیلن حیات کیچیره‌دیگن روینا نینگ ایتیشیچه، اسلام امیر‌لیگی حاکمیتی باشیده، ۷ مینگ افغانی کرایه توللر ایکن؛ بیراق حاضر ایسه بلاک ایگه‌سی کرایه نی ۹ مینگ افغانی قیلگن دیر.
اونینگ کوپه‌یتیریشیچه: «هر ییر گه بارسه‌ک، ایکی اتاقه اوی کرایه‌سی ۱۲ مینگ افغانی‌دن کم ایمس. اوتگن‌لرده ۷ مینگ افغانی کرایه بیرر ایدیم، حاضر ایسه ۹ مینگ افغانی کرایه بیره‌من. باشقه ولایت‌لر و ایران‌ده اهالی نینگ کیلگنی سبب، اوی کرایه‌سی قیته یوقاری کیتدی.»
بیزلرنینگ فیسبوک صحیفه‌میزگه باش اورینگ!
کابل شهری «کارته ۴» منطقه یشاوچیسی نسیم محسنی نینگ ایتیشیچه، اوی ایگه‌سی کرایه نی ۲۵۰ دالردن ۳۶۰ دالر گه کوپه‌یتیرگن و او باشقه اوی گه کوچیش گه مجبور بولگن.
اونینگ کوپه‌یتیریشیچه: «کارته ۴ منطقه‌سیده اوی‌لر کرایه‌سی جوده‌یم کوپ دیر؛ اوچ اتاقه نینگ کرایه‌سی ۳۶۰ دالر. اسلام امیر‌لیگی حکومتی باشیده، تورت اتاقه نی برچه خذمتلری بیلن ۲۵۰ دالر بیره‌ر ایدیلر و حاضر ایسه بها یوقاری کیتگن و انه شوو سبب، اوشبو اوی‌دن کوچیش گه مجبور بولدیک.»
کرایی اوی‌ده حیات کیچیره‌دیگن کابل شهری نینگ ۱۲-ناحیه یشاوچیسی قسیم، کابل بلدیه‌سیدن کرایی اوی‌لر گه نرخ‌نامه تعیین بولینیشی نی ایسته‌گن.
اونینگ کوپه‌یتیریشیچه: «جمهوریت توزومی‌ده، سکیز مینگ کرایه بیره‌ر ایدیم، اسلام امیر‌لیگی نینگ قدرت گه ایریشگنی بیلن، آلتی مینگ بولدی و حاضر ایسه قیته اوی کرایه‌سی یوقاری کیتگن. کابل بلدیه‌سیدن اوشبو ایش نینگ آلدی آلینیشی و اوی‌لر گه بها قوییلیشی نی ایسته‌یمیز که، بو رقم اهالی درست بیر بها بیلن اوی کرایه آلسین.»
شونده‌ی بیرحالده، سودا قوللنمه دفترلریدن قطاری هم، اوی کرایه‌لری نینگ کوپه‌یگنی نی تصدیق‌له‌یدی.
کابل نینگ شهرنوی‌ده سودا قوللنمه بولیمی‌ده ایشله‌یدیگن شهاب نینگ ایتیشیچه، افغان مهاجرلر نینگ قیته کیلیشی و کابل شهری گه ولایت یشاوچیلری نینگ کوچیشی، اوی کرایه‌لری نینگ کوپه‌یشی گه سبب بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اونینگ اصلی سببی، اسلام امیر‌لیگی نینگ قدرت گه ایریشگنی‌دن کیین، افغانستان ده سابق دولت ایشلاوچیلری نینگ افغانستان‌دن کیتیشی ایدی؛ بیراق بیر ییل اوتگنی بیلن، قیته افغانستان گه کیلدیلر. اولر نینگ کرایی اوی‌لر گه نیازلری بار. انه شوو سبب، اوی کرایه‌سی یوقاری کیتدی. اسلام امیر‌لیگی نینگ ینگی ایشلاوچیلری هم کابل گه کیلدیلر و کابل ده اوی کرایه‌سی یوقاری کیتدی.»
کابل یشاوچیلری کابل بلدیه‌سیدن، اوی‌لر کرایه‌سی نینگ یوقاری کیتیشی نی کنترول قیلیشلری اوچون، نرخ‌نامه تعیین قیلیشلری نی ایسته‌گنلر.
شونده‌ی بیرحالده، کابل بلدیه‌سی نینگ فرهنگی مصلحتچیسی نعمت‌الله بارکزی نینگ سلام‌وطندار گه ایتیشیچه، بلدیه اوی کرایه‌لری گه نرخ‌نامه تعیین قیله آلمه‌یدی. اونینگ کوپه‌یتیریشیچه: «اوی کرایه‌سی اهالی نینگ اوز آره‌سیده‌گی بیر مسئله دیر. اوی اجاره‌سی موضوع‌سی گه نرخ‌نامه توزته آلمه‌یمیز.»
ایتیش کیره‌ک که، اوی کرایه‌سی کابل نینگ تورلی منطقه‌لریده فرق‌لی دیر و اوی ایگه‌لری ایسه اوی‌لر نینگ موقعیتی گه قره‌ب بها تعیین قیله‌دیلر.
