مسلمان‌لر نینگ بیر ییل ده ایکی هییت بیرمی بار؛ بیراق هر ییل اوتیشی بیلن اوز رونق و تاتینی قولدن بیرماقده‌لیگی سیزیله‌دی. کابل یشاوچیلری نینگ ایتیشلریچه، قربان هییت بیرمی گه بیر کون قالسه ده؛ بیراق اولر اوشبو مقدس کون‌دن نشانلش اوچون اونچه‌لیک تیارگرلیک کوریشمه‌گن.
اولر گه کوره، مملکت بویلب حاکم وضعیت گه بناً، حتا هییت بیرمی کیلیشی بیلن اولر خورسند ایمس‌لر.
کابل یشاوچیلریدن بیری آدم‌خان نینگ ایتیشیچه: «اوتگن ییل‌لرده هییت بیرمینی برچه خوش و خورسندلیک بیلن نشانلر ایدیلر، بیراق بو ییل‌لگی بیرم ده هیچ کیم نه خورسند و نه هم تیارگرلیک کورگن، همه خفه دیر، یاشیم ۲۴ گه لیکن هییت بیرمیده خورسند ایمس من.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن باشقه بیری همایون گه کوره: «اوتمیش‌لرده هییت بیرمی ده ۱۵ کون قالگنده آدم‌لر تیارگرلیک کوریشر ایدیلر، محبت و صمیمیت بار ایدی، حاضر کونسه‌یین و ییل مه ییل محبت و صمیمیت کمه‌یماقده.»
کابل یشاوچیلریدن بولمیش بلال و سلیمان نینگ ایتیشلریچه، قربان هییت بیرمی ییتیب کیلسه‌ده بیراق تیارگرلیک کورمه‌گنلر.
اولر گه کوره، اقتصادی قیینچیلیک باعث بیرم نی خورسندلیک و شادلیک بیلن نشانله‌ی آلمه‌یدیلر.
کابل یشاوچیلریدن بلال نینگ ایتیشیچه: «آدم‌لر نینگ اقتصادی کونسه‌یین ضعیف بولماقده، بو احوال ده هییت بیرمینی یخشی نشانله‌ی آلمه‌یدیلر، بیر کون هییت گه قالگن بولسه‌ده لیکن مین اوزیم تیارگرلیک کورگنیم یوق چون شوق کمه‌یگن.»
کابل یشاوچیلریدن باشقه بیری سلیمان گه کوره: «اوزیم دکاندار من، اصلا سودا یوق، بو احوال ده هییت نی یخشی نشانله‌ی آلمه‌یمیز، سابق‌لرده آدم‌لر هییت بیرمی گه آز قالگنده، سودا قیلر ایدیلر، بیراق حاضر بیر تاماندن سودا بولمسه باشقه تاماندن قیمت‌لیک دیر.»
بیزلرنینگ توییترده هم تعقیب قیلینگ!
روانشاس‌لر نینگ ایتیشلریچه، آدم‌لر بیرم کونلریدن نشانلش‌لری کیره‌ک. اولر گه کوره، خورسندلیک کونلردن نشانلنمسلیک، منفی عاقبتی بولیشی ممکن.
روانشناس زهرا میرزائی نینگ سلام‌وطندار گه ایتیشیچه، هییت بیرمی دن نشانلمسلیک، باله‌لر اوستیگه سلبی تاثیر قیله‌دی. اونگه کوره: «اقتصادی قیینچیلیک باعث هییت بیرمی دن نشانله‌ی آلمسلیک آدم‌لر نینگ روانی اوستیگه سلبی تاثیر قیله‌دی، اقتصادی مشکل باعث بیر عایله بیرم دن نشانله‌ی آلمه‌ی و فرزندلری نینگ خواهش_ایستک‌لری گه ییته آلمه‌گن تقدیرده، باله و عایله روحی لحاظ دن زیان کوره‌دیلر.»
عین‌حالده، مملکت بوتون خلقی ایریم قیینچیلیکلر اینیقسه اقتصادی مشکل بیلن روپه‌ره دیر، گزارش‌لر اساسیده افغانستان خلقی دنیا بویلب اینگ خفه آدم‌لر گه ایگه دیر.
