ایکینچیلیک، سوغاریش و چارواچیلیک وزیرلیگی نینگ سوزلاوچیسی مصباح‌الدین مستعین نینگ ایتیشیچه، خوست ولایتی موسی‌خیل و قلندر تومنلری اورمانلریده یوزبیرگن یانغین محل یشاوچیلری یاردمی بیلن اوچیریلگن.
اونینگ ایتیشیچه، اوشبو یانغین نتیجه‌سیده اهالی‌گه ضرر ییتیشمه‌گن و کویگن درختلرنینگ قیته‌دن رشد قیلیشی ممکن.
اونینگ کوپه‌یتیریشیچه: «۳۰ جریب‌گه یقین اورمان کویگن، اهالی نینگ ایتیشلریچه، مذکور منطقه‌ده کوچیلر حیات کیچیرر ایکنلر اولر یانغین یوز بیرمسدن ایکی کون آلدین اوشبو منطقه‌‌نی ترک قیلگن ایکنلر، مذکور یانغین اورلردن قالگن آلاو نتیجه‌سیده یوز بیرگن بولسه کیره‌ک.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، خوست معلومات و مدنیت ریاستی نینگ باشلیغی بشیر احمد عثمانی نینگ سلام‌وطندارگه ایتیشیچه، خوست ولایتی موسی خیل و قلندرتومنلری نینگ جلغوزه اورمانلریده یوز بیرگن یانغین اوچیریلگن و مذکور موضوع‌نی تیکشیریش اوچون محل‌گه بارگنلر.
عین‌حالده، موسی‌خیل تومن یشاوچیلرنینگ ایتیشلریچه، مذکور یانغین یکشنبه کونی یوز بیرگن ایدی و یشاوچیلر و خصوصاً یاش ییگیت‌لر یاردمی بیلن مذکور یانغین اوچیریلگن.
شونده‌ی بیرحالده، بیلیم‌یورت استادی و ایکینچیلیک بوییچه، ایش بیلرمان، صفی‌الله خرمی نینگ ایتیشیچه، مسئوللر مملکت اورمانلری نینگ خوف‌سیزلیگی نی تأمین‌لشگه جدی توجه قیلیشی کیره‌ک.
اونینگ کوپه‌یتیریشیچه، یامغیر یاغمسلیگی، قورغاقچیلیک و هوا نینگ ایسق‌لیگی اورمانلرده یانغین یوز بیریشیچه سبب بوله‌دی.
ایتیش کیره‌ک دیر که بوندن آلدین نورستان و کنر ولایتیلری نینگ اورمانلریده یانغین یوز بیرگن ایدی.
بیزلرنینگ توییترده هم تعقیب قیلینگ!
ایکینچیلیک و چارواچیلیک وزیرلیگی مسئوللری نینگ ایتیشلریچه، نورستان و کنر ولایتی اورمانلریده یوز بیرگن یانغینلرنی تیکشیریلیشی و مذکور اورمانلر خوف‌سیزلیگینی تأمین‌لنیشی اوچون بیرقطار هیأت نی محل‌گه یوبارگنلر.
مسئوللرگه کوره، مملکت اورمانلریدن حفاظت قیلینیشی اوچون خاص بیر قطعه ایجاد ایتیلیشی ممکن.
