افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ ایتیشیچه، او و اسکات میلر طالبان بیلن اوچره‌شگن و ایکی تامان تینچلیک کیلیشوونامه‌سی و بیریلگن وعده‌لر اساسیده، اقدام‌لرنی قیته‌دن ترتیب قیلیش خصوصیده کیلیشگن
اوتگن کون پنج‌شنبه شام چاغی افغانستان تینچلیگی بوییچه آمریکا خاص نماینده‌سی زلمی خلیل‌زاد بیر توییت آرقه‌لی یازیشیچه، آمریکا و طالبان گروهی آره‌سیده امضالنگن کیلیشوونامه نینگ برچه مواردلرینی تطبیق ایتیش، زوروانلیک نی کمه‌یتیریش معناسیگه کیله‌دی.
اونینگ کوپه‌یتیریشچه، حاضر افغانستان اهالیسی‌دن کوپنچه‌سی اوروش و آتیشمه‌لر باعث جان بیره‌دی و آمریکا اقدام‌لر ترتیب‌لنیشی بیلن زوروانلیکلر کمه‌یتیریلشی گه امیداور دیر.
خلیل‌زاد گه کوره، سونگی هفته‌لرده هجوم‌لر کوپه‌یماقده و هجوم‌لر کوپه‌یشی تینچلیک پروسه‌سینی تخریب قیله‌دی.
خلیل‌زاد نینگ ایتیشیچه، هجوم‌لر افغانستان اهالیسی و تینچلیک پروسه‌سی نینگ منطقه و خلق‌ارا حمایتچی‌لرینی آگاه‌لنتیریش دیر.
خلیل‌زاد نینگ اورغولشیچه، آمریکا اوز سهمی نی عمل گه آشیره‌دی و کیلیشوونامه تطبیق ایتیلیشدن نظارت قیله‌دی.
شونینگدیک او برچه تامان‌لردن اوز مسوولیت‌لرینی عمل گه آشیریش‌لرینی سوره‌گن.
افغانستان تینچلیگی بوییچه آمریکا خاص نماینده‌سی زلمی خلیل‌زاد ینگی اقدام‌لر ترتیبله‌نیشی و زوروانلیکلر کمه‌یتیریلیشی خصوصیده صحبت بیرگن حالده، امنیتی کوچلر گه قرشی طالبان هجومی کوپه‌یگن.