افغانستان تینچلیگی ایشلری بوییچه آمریکا تشقی ایشلر وزیرلیگی نینگ سابق نماینده‌سی زلمی خلیلزاد، «گلدمن ساکس» یوتیوب کانالی بیلن اوتکزگن صحبتی‌ده ایتگن که، آمریکا اسلامی امارت بیلن قنده‌ی رفتار قیلیش خصوصیده قیین‌چیلیک بیلن روپه‌ره دیر و حاضرگچه بو توغریده درست بیر حل یول تاپه‌آلمه‌گن.
خلیلزاد گه کوره، حاضرگچه اسلامی امارت تامانیدین دوحه بیتیمی نینگ بولیم‌لری اجرا بولمه‌گن و اولر نینگ عملی بولیشی کیره‌ک. افغانستان تینچیلیگی ایشلری بوییچه آمریکا تشقی ایشلر وزیرلیگی نینگ سابق نماینده‌سی تاکید قیلگن که، آمریکا افغانستان نینگ انزواسی گه طرفدار ایمس و اسلامی امارت همه‌شمول حکومت ایجاد قیلیش و انسانی حقوق نینگ حفظ قیلیش اوچون سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانستان ده ایلچی‌خانه‌میز نی باغلگنیمیز پیتده، اسلامی امارت بیلن نیمه قیله‌یلیک دیب فکر قیلدیک. حاضر هم سوراق شو که، انسان حقوقی، عیال‌لر حقوقی و همه‌شمول حکومت تشکیل تاپیشی اوچون اولر نی قوچاقله‌یلیک می یا-ده باسیم کیلتیره‌یلیک می دیب فکر قیله‌میز و حاضرگچه حل یول تاپه‌‌آلمه‌گن‌میز.»
زلمی خلیلزاد نینگ بیاناتی گه تیگیشلی اسلامی امارت فکری نی آلیش ایسته‌دیک؛ بیراق کیین‌مه کیین قونقیراغ بیلن موفق بولمه‌دیک. شونده‌ی بیرحالده، سیاسی بیلرمان‌لردن قطاری نینگ ایتیش‌لریچه، زلمی خلیلزاد نینگ بیاناتی افغانستان خصوصیده آمریکا نینگ قنچه خسته بولگنی نی کورسته‌دی.
بیزلرنینگ توییترده هم تعقیب قیلینگ!
سیاسی بیلرمان‌لردن مصطفی علی‌زاده نینگ سلام‌وطندار گه ایتیشیچه: «بوگون ایجاد بولگن وضعیت خصوصیده هیچ بیر تاثیری یوق. یالغیز اوشبو سوزلر تحریک‌کیلتیرووچی بولیشی ممکن. مینی فکرم‌چه خلیلزاد مهره کبی یانگن دیر. سابق دوره‌ده درست عمل قیلگن بولسه‌ایدی، حاضر مملکت بو وضعیت‌ده قرار تاپمس ایدی.»
اسلامی امارت نینگ قدرت گه ایریشگنیدن کمیده بیر ییل اوتگنی بیلن حاضرگچه هیچ بیر مملکت تامانیدن رسمیت گه تانیلمه‌گنی بیرحالده، اوشبو بیانات مطرح بولگن.
