قزاق-افغان سودا مجموعهسی، افغانستان و قزاقستان اورتهسیده اقتصاد و سودا آلیش-بیریش مناسبتلرنی مستحکملش و کېنگهیتیریش مقصدیده، بوگون (۲-ثور، سهشنبه) کابلده آچیلدی.
اوشبو ییغیلیشده، صناعت و سودا وزیرلیگی سرپرستی نورالدین عزیزی، افغانستانده اسلام امیرلیگینینگ ایکّینچی مرته قدرت گه قیتیشی بیلن، قویاش ۱۴۰۳-ییلده بو مملکت و قزاقستان اورتهسیده سودا حجمی ۳۲ فایز گه آشگنینی معلوم قیلگن.
اونینگ کوپهیتیریشیچه: «افغانستان و قزاقستاننینگ اوزاق مدتلی سودا تاریخی بار و اسلام امیرلیگی حاکمیتیدن کېین بو مناسبت کېنگهیگن، کېلهسی ییللرده افغانستان و قزاقستان اورتهسیده سودا حجمینی اوچ میلیارد دالر گه آشیریشنی اېستهیمیز و حاضرگی کونده بیر میلیارد دالر حدیده دیر.»
بیراق، بو ییغیلیشده قزاقستان باش وزیرینینگ اورین باسری سریک ژومانگارین، میلادی ۲۰۲۴-ییلده افغانستان و قزاقستان اورتهسیده سودا آلیش-بیریش کمهیگنیدن خبر بیرهدی.
بیزلرنینگ فیسبوک صحیفهمیزگه باش اورینگ!
ژومانگارین، افغانستاننی جنوبی و مرکزی آسیاده قزاقستاننینگ کلیدی و استراتیژیک شریکلریدن اتهگن. «اوتگن میلادی ییلده، ایکّی تامانلمه آلیش-بیریش حجمی ۵۴۲.۲ میلیون دالر اېدی-اوندن اوتگن ییل گه نسبتن ۱۴.۳ فایز گه کمهیگن. بیز ایکّی مملکت اورتهسیده سودا آلیش-بیریش حجمینی یقین مدت ایچیده اوچ میلیارد دالر گه آشیریش اوچون سعی-حرکت قیلماقدهمیز»
باشقه تاماندن، قزاقستان باش وزیرینینگ اورین باسری، مملکتی رواجلنگن افغانستاننی حمایه قیلهدی و کونسهیین تورلی ساحهلر اینیقسه اقتصاد و سودا بوییچه بو ایکّی مملکت اورتهسیدهگی مناسبت مستحکملشماقدهلیگینی بیلدیرگن.
عینحالده، افغانستانده بیرلشگن ملتلر تشکیلاتی اورین باسرلیک هیئت اداره باشلیغی (یوناما)، اوشبو ییغیلیشده اشتراک اېتگن، قزاقستان هیئتینینگ کابل گه سفرینی مهم دیب، بو سعی-حرکتلر افغانستان و قزاقستان اورتهسیده سودا آلیش-بیریش حجمی کوپهیشیگه سبب بولیشینی بیلدیرگن.
بیزلرنینگ «ایکس» ترماغی ده هم تعقیب قیلینگ!
مذکور تشکیلات باشلیغی روزا اوتونبایوا، خلقارا قاعدهلر گه تېنگ، افغانستان بیلن دنیا همجمعیتنینگ تعامل قیلیش امکانیتینی یرهتیش اوچون سعی-حرکت قیلماقدهلیگیدن ایشانچ بیلدیرهدی.
اونینگ کوپهیتیریشیچه: «قزاقلیک سوداگرلردن اېستهیمن-افغانستان گه سفر قیلیب و بو مملکتنینگ قوللنمهگن محصولاتلرینی یقیندن کوزهتسینلر. افغانستان اقتصادی قیینچیلیکلر بیلن روپهره دیر و افغانستان عیاللر قول صناعتی، قزاقستان بازارلریده یخشی خریدار گه اېگه بولیشی ممکن.»
اوشبو کورگزمهده محصولاتلرینی نمایش گه قوییگن قزاقستانلیک سوداگرلردن بیرقطاری، محصولاتلری ساتیلیشی اوچون بو گَل کورگزمهلرنی اونملی بیلهدیلر.
مذکور کورگزمهده قزاقستانلیک سوداگر آتی بیکنینگ ایتیشیچه: «بو کورگزمه، توارلریمیز ساتیلیشی اوچون مهم دیر و نخود، دال، عدس، یاغ و افغانستانده خلقنینگ احتیاجی بولگن نرسهلرنی ساتیش اوچوم آلیب کېلگنمیز.»
شونینگدیک، قزاقستانلیک سوداگرلردن باشقه بیری شاه کریم گه کوره: «کوپراق سود قیلیب و قیینیچلیک بیلن روپهره بولمسلیکنی اېستهیمیز و اېندی محصولاتلریمیز گه مشتری تاپیش اوچون افغانستان گه کېلگنمیز.»
بو کورگزمهده ۴۰۰ افغانستان و قزاقستان سوداگرلری اشتراک اېتگن، اولر ارا قزاقستانلیک سوداگرلر یاغ، حبوبات کبی اوشبو مملکتنینگ باشقه تولیدلرینی ۴۰ غرفهده نمایش گه قویگنلر.
