کابل‌ده ایکی اوچ ییل آلدین مکتب‌لردن فارغ بولگن‌لردن قطاری نینگ ایتیشلریچه، معارف وزیرلیگی تامانیدن شهادت‌نامه بیریلمسلیگی اولرنی قیینچیلیکه روپه‌رو قیلگن. اولر نینگ ایتیشلریچه، ایش و تحصیلی بورسیه اوچون شهادت‌نامه گه نیازمندلر؛ بیراق شهادت‌نامه آلیش اوچون نیچه مراتبه معارف وزیرلیگی‌گه مراجعت قیلیشگن لیکن شهادت‌نامه آلالمه‌گنلر.
کابل مکتب‌لریدن فارغ بولگن‌لردن بیری نینگ سلام‌وطندار گه ایتیشیچه: «۹۸ و ۹۹-ییل‌لر اوز جای‌ده، حتا ۹۶ و ۹۷-ییل فارغ‌لری نینگ شهادت‌نامه‌لری قالگن، فارغ بولگن اوقووچیلر کونیده بو ییرگه مراجعت قیلیشه‌دی.»
بیزلرنینگ فیسبوک صحیفه‌میزگه باش اورینگ!
کابل مکتب‌لریدن فارغ بولگن‌لردن باشقه بیری نینگ سلام‌وطندار گه ایتیشیچه: «شهادت‌نامه بورسیه یا ایش اوچون نیاز دیر، بیراق بیریلمه‌یدی.»
۱۲-صنف‌دن فارغ بولگن‌لر کابل معارف ریاستی نینگ ایشلریدن تنقید قیلیب ایتیشلریچه، اوشبو اداره اوتمیش‌لرده هفته‌ده ۶ کون ایشلر ایدی، بیراق اسلامی امارت حاکمیت گه ایریشی بیلن ۳ کون ایرکک‌لر و باشقه ۳ کون عیاللر گه اختصاص بیریلگن، بو ایش برچه‌نی قیینچیلیکه روپه‌رو قیلگن.
اولر نینگ ایتیشلریچه، معارف ریاستی گه بارگن وقت‌لریده، مسئوللر اولر گه مکتب‌لریدن شهادت‌نامه آلیب بیلیش‌لرینی ایته‌دیلر، بیراق مکتب گه مراجعت قیلگن حالده، قیته‌دن معارف ریاستی گه یوللـه‌یدیلر.
عین‌حالده، کابل شهری مکتب‌لری نینگ معلم‌لریدن بیرقطاری آت‌لری سیر قالیش شرطی بیلن بو موضوع‌نی قبول قیله‌دیلر. اولر نینگ ایتیشلریچه، ۳ ییل یا ۴ ییل آلدین مکتب‌دن فارغ بولگن اوقووچیلر، حاضرگچه شهادت‌نامه آلالمه‌گنلر.
باش معلم‌لردن بیری نینگ سلام‌وطندار گه ایتیشیچه، اولر اوشبو ییل‌ده یالغیز ۹۷-ییل فارغ‌لری نینگ شهادت‌نامه‌سینی قولگه کیریتگن و اوشبو شهادت‌نامه‌لرنی فارغ بولگن‌لر گه ترقه‌تیشگن. اونگه کوره، شهادت‌نامه‌لر یکهلیک صورتده بیریلمه‌یدی و اولر بانکی تعرفه شامل برچه حجت‌لرنی معارف ریاستی گه یوباریشگن؛ لیکن شهادت‌نامه‌لر اولر گه تاپشیریلمه‌گن.
مذکور باش معلم نینگ کوپه‌یتیریشیچه: «یکه‌لیکده شهادت‌نامه آلیش اوقووچیلر اوچون قیین دیر. گوجیم‌لیک کوپ، بیز باش معلم‌لر عذاب‌ده میز، شهادت‌نامه‌لرنی ۴ یا ۵ کون ایچیده ایشینی بیتیریب بولمه‌یدی.»
عین‌حالده، معارف وزیرلیگی نینگ سوزلاوچیسی عزیزاحمد ریان نینگ ایتیشیچه، شهادت‌نامه بیریلمسلیک قیینچلیگی سابق‌دن قالگن و اوچ تورت ییل آلدینگی شهادت‌نامه‌لر حاضرگچه ترقه‌تیلمه‌گن. اونگه کوره، شهادت‌نامه‌لرنی استه‌سیکین و هر ییلی نوبت بیلن توزیع قیلیش اوچون تلاش قیلماقده‌لر.
اونینگ کوپه‌یتیریشیچه، یالغیز بورسیه یا عالی تحصیلات وزیرلیگی نینگ مکتوبی بار لرگه شهادت‌نامه‌نی یکهلیک شکلده بیره‌دیلر.
بیزلرنینگ توییترده هم تعقیب قیلینگ!
معارف وزیرلیگی سوزلاوچیسی عزیزاحمد ریان نینگ ایتیشیچه: «ایشلر آرتگه قالمسلیگی اوچون سعی-حرکت قیلماقده میز، لیکن مینگلب شهادت‌نامه قالگن. یالغیز اوشبو ییل‌ده ۵۳ مینگ کابل مکتب‌لریدن فارغ بولگن. برچه جدول‌لرنی تیکشیریش، توغری و ناتوغری‌لرنی اجره‌تیش اوچون زمان کیره‌ک.»
معارف وزیرلیگی سوزلاوچیسی نینگکوپه‌یتیریشیچه، اسلامی امارت قدرت‌نی آلگندن کیین، مینگلب شهادت‌نامه ترقه‌لیب و حاضرگچه بوتوغریده ایشله ماقده‌لر.
