کابل یشاوچیلریدن قطاری، اوشبو شهرده قورالی اوغیرلیکلر کوپه‌یشیدن خواطر بیلدیرماقده‌لر. اولر نینگ ایتیشلریچه، اسلامی امارت فقرالر نینگ خوفسیزلیگی تأمین ایتیلیشیدن ایشانچ بیرسه‌لرده، لیکن قورالی اوغیرلیکلر یشاوچیلر نینگ خواطرینی کوپه‌یتیرگن.
اوشبو یشاوچیلر نینگ سلام وطندار گه ایتیشلریچه، شهر بویلب تاکسی‌لرده قورالی اوغیرلیکلر کوپه‌یگن و اکثر واقعه‌لر کابل شهری نینگ تینچ مکان‌لریده یوز بیره‌دی. اولر امنیتی نهادلردن، قورالی اوغیرلیکلرنی آلدینی آلیش اوچون اساسی طرح‌لرینی عملگه آشیریشنی ایسته‌یدیلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن هدایت حلیمی که ایکی کون آلدین قورالی اوغیرلیک قربانی بولگن ایدی ایتیشیچه، عیال اوغری‌لری شهری موترده پول و مدرک‌لرینی بیریش اوچون اونی اولیم‌گه تهدید قیلگن.
حلیمی نینگ کوپه‌یتیریشیچه: «تایمنی نینگ ۵-سرکی‌ده ساعت آلتی یریم شام ایکی چک‌پاینت دن ایلندیلر، برچه‌سی چادری کیگن ایدیلر، اولردن بیری باشیمگه قورال کوتاردی و اوشبو عیال‌لردن باشقه بیری بیلیم گه قورال‌نی تیره‌دی. باشقه بیر قورال، هیداوچی آلدیده ایدی مینگه تامان نشان آلدی، بار-یوق نرسه‌نی بیز گه بیر دیب تهدید قیلدی، پول وپاسپورتیم‌نی آلدیلر.»
کابل‌ده قورالی اوغیرلیک قربانی‌لریدن باشقه بیری صادق نینگ ایتیشیچه، ایرکک‌لر یانیده، خاتین قیزلردن قطاری قورالی اوغیرلیککه یوز کیلتیرگن‌لر و ایریم طریقه‌لر بیلن اوغیرلیک قیلیشه‌دی.
اونینگ تأکیدلشیچه، بو واقعه‌لر تیکشیریلیب و قورالی اوغیرلیکلرنی آلدینی آلیش اوچون جدی اقدام بولیشی کیره‌ک.
بو توغریده کابل امنیه قوماندان‌لیگی سوزلاوچیسی خالد زدران نینگ فکر-ملاحظه‌سینی اورگه‌‌نیشنی ایسته‌دیک؛ بیراق او جواب قیتیریش گه حاضر بولمه‌دی.
لیکن اسلامی امارت سوزلاوچیسی نینگ اورین باسرلریدن بلال کریمی گه کوره، خوفسیزلیک اداره‌لر نینگ سعی-تلاشی باعث کابل شهری بویلب امنیت برقرار ایتیلگن و قورالی اوغیرلیکلر گه چیک قوییش اوچون تلاش قیلماقده‌لر.
بیزلرنینگ توییترده هم تعقیب قیلینگ!
کریمی نینگ اورغولشیچه، اوتگن کونی ۵ اوغری اسلامی امارت کوچلری تامانیدن قولگه آلینگن و اهالی‌نی بیزاوته قیله‌دیگن‌لر و اوغری‌لرنی قولگه آلیش اوچون، اسلامی امارت کوچلری تلاش قیلماقده‌لر.
قورالی اوغیرلیکلر کوپه‌یشی باره‌سیده عین‌حالده خواطرلر آشماقده که سونگی کون‌لرده، کابل و باشقه قطار ولایت‌لرده ریجه‌لنتیریلگن ترورلر کوچه‌یب و فقرالر نینگ تشویشی گه سبب بولگن. اولکه یشاوچیلری خوفسیزلیک برقرار ایتیلیشی اوچون امنیتی نهادلر نینگ تلاش‌لرینی نتیجه‌سیز عنوان قیله‌دیلر.
