کابل نینگ نور کسلخانه‌سیده ینگی ۲ بولیم بوگون ساغلیق‌نی سقلش مسئوللری تامانیدن فایده‌لَنیش‌گه تاپشیریلدی. ساغلیق‌نی سقلش مسئوللری نینگ ایتیشلریچه، مذکور بولیم‌لر پاکستان‌لیک بیرنهاد تامانیدن ۲۰.۳ لک کلدار خرجت کوتاریب قوریلگن.
مسئوللر نینگ کوپه‌یتیریشلریچه، کابل نینگ نور کسلخانه‌سیده مذکور بولیم‌لر قوریلیشی بیلن بوندن بویان کوز پلاستیک جراحی‌لیگی، کوز نینگ تومورینی آلیب تشلش، کوز نینگ انحرافی و پرده‌سی عملیات ایتیلیشی ممکن.
بیزلرنینگ فیسبوک صحیفه‌میزگه باش اورینگ!
اولرنینگ ایتیشلریچه، پاکستان‌لیک بیر قطار شفاکارلر مذکور کسلخانه‌ده کیلگنلر ۶ کونگچه کسللرنی تیکین شکلده درمان قیله‌دیلر.
ساغلیق‌نی سقلش وزیرلیگی نینگ دفتری باشلیغی داود منصوری نینگ ایتیشیچه: «بیز پاکستان‌لیک بیر نهاد اویغون‌لیک بیلن مذکور بولیم‌لرنینگ قوریلیشی اوچون کوپینچه سعی و حرکت قیلدیک و شونینکدیک تشقی مملکت‌لردن مذکور کسلخانه‌ده مَلَکه‌لی شفاکارلرینی کیلتیریش و ساغلیق خادم‌لرنی ظرفیت‌لرینی آشیریش اوچون سعی و حرکت قیلماقده‌میز.»
بیزلرنینگ توییترده هم تعقیب قیلینگ!
عین‌حالده، کابل نور کسلخانه‌سی داکترلری اوشبو کسلخانه‌ده تعمیر یوقلیگی و امکانیت آزلیگیدن شکایت قیلیب، اسلامی امارت‌دن بو توغریده توجه قیلیشینی سوره‌یدیلر.
ایتیش کیرهک دیر که سونگی کونلرده مملکت ساغلیک مرکزلریده ساغلیک اوسکونه‌لر و دوا-دارو آزلیگی خصوصیده خواطرلر کوپه‌یگن و بونگه علاوه ساغلیق خدمت‌لرنینگ کیفیت‌سیزلیگی یشاوچیلرنینگ خواطرلرینی کوپه‌یتیرگن.
