افغانستان نینگ پاکستان ده‌گی مهاجرلریدن غفور نینگ ایتیشیچه، افغانستان نینگ پاکستان ده‌گی مهاجرلری اقتصادی و اجتماعی قیینچیلیک بیلن روپه‌ره بولسه‌لرده، بیراق پاکستان حکومتی تامانیدن قولگه آلینیش و باسیم‌لر اولر نینگ خواطرینی آرتیرگن.
اونینگ سلام‌وطندار گه ایتیشیچه: «بیز قیینچیلیک بیلن روپه‌ره میز؛ نیمه ایش قیلیشیمیزنی بیلمه‌یمیز، بوییرگچه کیلدیک، لیکن حاضرگی باسیم‌لر بیلن قییرگه باریش و نیمه ایش قیلیشنی بیلمه‌یمیز.»
افغانستان نینگ پاکستان ده‌گی مهاجرلریدن بیرقطاری گه کوره، جمهوریت توزومی قوله‌شیدن کیین پاکستان کیلگن افغانستان نینگ ویزه‌سیز و ویزه‌سی بار مهاجرلری تورلی خیل قیینچیلیک بیلن روپه‌ره دیر.
اولر نینگ ایتیشلریچه، بو احوال مهاجرلرنی قولگه آلینیش و زندانی بولیشی یا ده چیقریلیش خوفی بیلن دوچ قیلگن.
بیزلرنینگ فیسبوک صحیفه‌میزگه باش اورینگ!
پاکستان ده افغان مهاجرلریدن احمد نینگ ایتیشیچه: «مهاجرلر بیلن یخشی مناسبتده بولیشنی ایسته‌یمیز و پاکستان ده‌گی مهاجرلر تقدیری معلوم بولیشی کیره‌ک و پاکستان تامانیدن تعینلنگن مهلت خصوصیده دقت قیلینیشی لازم.»
شو بیلن بیرگه، خلق‌ارا کیچیریم تشکیلاتی نینگ باش کاتبی اگنس کالامار، پاکستان باش وزیری شهباز شریف گه یوللـه‌گن آچیق مکتوبی ده، اوشبو مملکتده افغان مهاجرلری نینگ احوالی و اولر برابریده‌گی تبعیض‌لی یانده‌شوولردن خواطر بیلدیریب و پاکستان حکومتیدن، مهاجرلر گه تعلیم، ایش حقی و ویزه‌لری تمدید ایتیلیشی کبی قولی‌لیک یره‌تیشنی طلب قیلگن.
افغانستان نینگ پاکستان ده‌گی مهاجرلریدن بیرقطاری گه کوره، قیینچیلیکلری حلی اوچون نیچه مراتبه دادخواهی‌لیک قیلیشگن؛ بیراق حاضرگچه خلق‌ارا تشکیلات‌لر و پاکستان حکومتی تامانیدن قانیقرلی جواب قیتیریلمه‌گن.
پاکستان ده افغان خبرچی‌لریدن نجیب‌الله حبیبی نینگ سلام‌وطندار گه ایتیشیچه: «پاکستان حکومتی بعضی قیینچیلیکلرنی یو‌ان‌اچ‌سی‌آر بوینیگه تشله‌یدی، بیراق بیز اوشبو تشکیلات سوزلاوچیسی گه قونغیراق قیلیب و خواست‌لریمیزنی شریک قیلدیک، پاکستان حکومتی مهاجرلر گه کارت توزیع قیلیب و قانونی حجت‌لری بولیشی گه طرفدار ایمسلیگینی بیلدیردی.»
بیزلرنینگ توییترده هم تعقیب قیلینگ!
شونینگدیک پاکستان دن قیتگن مهاجرلر، افغانستان مهاجرلری بیلن پاکستان حربی کوچلری نینگ ناقانونی یانده‌شوولریدن شکایت قیله‌دیلر.
پاکستان دن ینگی‌لیکده افغانستان کیلگن جنت‌گل نینگ ایتیشیچه: «بیزنی قولگه آلیب و زندانی قیلدیلر، بیزنی کوپ کلتکلشدی و حاضرگچه کلتک‌لر نشانه‌لری قالگن.»
ایتیش کیره‌ک که، نیچه کون آلدین، اسلام امیرلیگی هیئتی افغانستان نینگ ایران و پاکستان ده‌گی مهاجرلر احوالینی تیکشیریش مقصدیده تورت تامانلمه ییغیلیشده اشتراک ایتیش اوچون تهران گه بارگن ایدی؛ بیراق اوشبو ییغیلیش نتیجه‌سی حاضرگچه میدیالر بیلن شریک قیلینمه‌گن.
